ಜಾನಪದೊಡು ನಮ್ಮ ತುಳು ರಾಜ್ಯ
ಜಾನಪದೊಡು ತುಳುನಾಡು ರಾಜ್ಯ..
ಬರವು-ಚಂದು.
ಸರ್ವ ತುಳುನಾಡ ತುಳುವ ಬಂದುಲೇಗ್ ಸೊಲ್ಮೆಲು ಸಂದಾಯಿತ ಮಲ್ತೊಂದು. ಜಾನಪದ ಲೋಕಡು ತುಳುನಾಡು ರಾಜ್ಯದ ಬಗ್ಗೆ
ಯಾನ್ ಯೆನ್ನ ಅನಿಸಿಕೆದ ಅಭಿಪ್ರಾಯನು ನಿಕ್ಲೆನ ಎದುರ್ ದೀವೊಂದು ಉಲ್ಲೆ.
ತುಳುವ ನಾಡು ಪನ್ಪಿನ
ನಮ್ಮವೊಂಜಿ ಯೆಲ್ಯಾ ವಿಬಿನ್ನ ಸಂಸ್ಕ್ರತಿದ,ವಿಬಿನ್ನ ಸಂಸ್ಕಾರ,ವಿಬಿನ್ನ ಸಂಪ್ರದಾಯದ ಕಿನ್ಯ ಬೂಡು ತುಳುನಾಡು.
ತುಳುವಪ್ಪೆ ಜೊಕ್ಲ್ ನಮ,ತುಳುವ ಮಣ್ಣುದ ಕಮ್ಮೆನ ಪತ್ತಿನಕ್ಲ್.
ಅಚಾರ ವಿಚಾರಗ್ ತಪ್ಪಂದೆ ನಮ್ಮ ಹಿರಿಯಾಕ್ಲ್ ಅನಾದಿಕಾಲರ್ದ್ ಈ ಪಂಚಪರಣದ ಪುಂಚದ ನಾಗನಡೆತ ಮಣ್ಣುಡು ಪೊರುಂಬುದ್,ಬೆಗರ್ ಬಿಚ್ಚದ್ ಅಂಚನೆ ದೈವ ದೇವರೆನ ಅನುಗ್ರಹ ಪಡೆತೊಂದು ಪೊರ್ಲ ಜೀವನ ದೆತ್ತಿನಕ್ಲ್,ಅಕ್ಲೆನ ಸಾದಿಡು ನಮ್ಮಕ್ಲ್ ಬೊಕ್ಕ ನಮಲಾ ಕಾಲಗ್ ತಕ್ಕ ಕೊಲ ಕಟ್ಟೊಂದು ಜೀವನದ ಗಾಡಿನ್ ವೊಯಿತೊಂದು ಪೊವೊಂದು ಉಲ್ಲ.ಪರ್ಪಿ ನೀರು,ವೊಯಿಪಿ ಗಾಳಿ ಸೇರುದು ತಿನ್ಪಿ ತೆನಸುಗು ಮುಟ್ಟ ವೊವ್ವೆ ರೀತಿದ ಕೊರತೆದಾಂತೆ ಪೊರ್ಲುದ ಜೀವನ ನಮ್ಮವು.
ನಮಕ್ ನಮ್ಮವೆ ಅಯಿನ ಭಾಷೆ,ಲಿಪಿ,ದೈವೊಲ್,ದೇವೆರ್, ಕಟ್ಟ್,ಕ್ರಮೊಕುಲ್ ಉಲ್ಲ.
ತೆಂಕಾಯಿ ರಾಮೆಶ್ವರ್ದ್ ಬಡಕಾಯಿ ಅಂಕೊಲೆಶ್ವರ ಮುಟ್ಟ ಕಡಲ್,
ಮೂಡಾಯಿ ಘಟ್ಟದ ನಡುಟ್ ಗುಡ್ಡೆ ತೊಡು,ಬೈಲು ಸಾಲು,ಕಾಡು ಮಲೆ ದಿಂಜಿನ ನಮ್ಮ ವೊಂಜಿ ತುಳುವನಾಡು.
ಬಂದುಲೇ ತುಳುವ ಮಣ್ಣುದ ಉದಿಪುದ ಬಗ್ಗೆ ನಿಖರವಾಯಿನ ಮಾಹಿತಿ ಇಜ್ಜಿಂಡಲಾ ಈ ಮಣ್ಣುಡು ಜನವಸತಿ ಯೆಪ ಸುರು ಅಂಡು ಪಂಡುದ್ ನಮ ತೆರಿಯೊಂದು ಪೊಂಡ,
ಪೌರಾಣಿಕ ಬೊಕ್ಕ ಧಾರ್ಮಿಕವಾದ್ ಕೆಲವೆರ್ ಈ ತುಳುವ ಮಣ್ಣುನ್ ಪರಶುರಾಮ ಸೃಷ್ಟಿ ಪನ್ಪೆರ್.
ಪರಶುರಾಮೆ ತನ್ನ ಕುಡರಿನು ಕಡಲುಗ್ ದಕ್ಕುದ್ ತುಳುವನಾಡು ಸೃಷ್ಟಿ ಅಂಡು ಪಂಡುದು.ಯೆನ್ನ ಒಂಜಿ ಕಿನ್ಯ ಅನಿಸಿಕೆ ಒಂಜಿ ವೇಳೆ ಪರಶುರಾಮನ ಸೃಷ್ಟಿ ಅತುಂಡ ಇನಿ ಬಿರು ಪಗರಿ ಪತ್ತಿನ ಬಿರ್ಮೆರೆನ ಜಾಗುಡು ಕುಡರಿ ಪತ್ತಿನ ಪರಶುರಾಮೆರೆನ್ ನಮ್ಮ ತುಳುವೆರ್ ಅರಾಧನೆ ಮಲ್ಪೊಡು ಇತ್ತುಂಡು.ಅಂಡ ಪರಶುರಾಮೆರೆನ ಅರಾಧನೆ ಒಲುಲಾ ಅತ್ ವಿಶೆಷವಾದ್ ತೊಜುಜಿ.
ಬೊಕ್ಕೊಂಜಿ ಪಂಡ ಧಾರ್ಮಿಕ ವಾದ್ ತೂಪುಂಡ ಪರಶುರಾಮೆರು ವಾಮನ ಅವತಾರರ್ದ್ ಬೊಕ್ಕ ಬರ್ಪಿನ.ವಾಮನ ಅವತಾರಡೆ ಬಲಿಯೆಂದ್ರೆ ತುಳುನಾಡುಡು ಅಡಳಿತ ಮಲ್ತೆ ಪನ್ಪೆರ್. ನನೊಂಜಿ ವಿಚಾರ ಪಂಡ ಭೌಗೋಳಿಕ ವಾದ್ ಬೊಕ್ಕ ತುಳುನಾಡ ಜಾನಪದಿಯವಾದ್ ತುಳುನಾಡ ಉಗಮಗ್
ಬೇತೆ ಬೇತೆನೆ ಕಥೆಕುಲ್ ಉಲ್ಲ.ಅಂಚದ್ ಅಯಿತ ವಿಮರ್ಶೆ ಅತು ಸುಲಭವಾದ್ ಇಜ್ಜಿ,ಸ್ಪಷ್ಟವಾದು ವಿಮರ್ಶೆ ಮಲ್ಪರಗುಲಾ ಅಪುಜಿ.
ಅಂಡ ಒಂಜಿ ವಿಚಾರ ಅಂತೂ ಸತ್ಯ ಈ ಇತ್ತೆದ ತುಳುವ ಮಣ್ಣು
ಒಂಜಿ ಕಾಲೊಡು ಸಂಪೂರ್ಣ ಕಾಡು ದಿಂಜಿನ ಪ್ರದೇಶ ಪಂಡ ತಪ್ಪವಂದು.
ಅಂಚದ್ ತುಳುನಾಡುಂದು ಪನ್ಪಿನ ಈ ಮಣ್ಣುದ ಸಂಪರ್ಕ ಪಿರಾಕುರ್ದೆ ಅತ್ ವಿಶೆಷವಾದ್ ಯೆರೆಗುಲಾ,ವಾ ಜನಾಂಗಗುಲಾ ಅದಿಪ್ಪಂದು.
ದಾಯೆ ಪಂಡ ಪಡ್ಡಾಯಿದ ಮರ್ಗಿಲುಡು ಕಡಲ ಬರಿ ಒಂಜಿ ಬುಡುಂಡ ಸುತ್ತಲಾ ಘಾಟಿಲೆ ದಿಂಜಿನ ಘೊರ ಮಲೆ ತಿಕುನಿ.
ಬೆಳ್ತಂಗಡಿ ಬರಿತ್ತ ಬಂಗಾಡಿ,ಶೀರ್ಲಾಲ್,ಸಂಸೆ
ಬೊಕ್ಕ ಕಡ್ತಿಕಲ್ಲ್ ಘಟ್ಟ,ನೆರಿಯದ ಬರಿಟ್ಟ್ ಚಾರ್ಮಾಡಿ ಘಟ್ಟ,ನೆರಿಯಾ,
ಬಜಗೊಳಿದ ಬರಿಟ್ಟ್ ಮಾಳದ ಘಟ್ಟ,ಸೊಮೆಶ್ವರದ ಬರಿಕ್ಕ್ ಅಗುಂಬೆ ಘಟ್ಟ, ಕಬ್ಬಿನಾಲೆ ಘಟ್ಟಲು,
ಶಿಶಿಲಬರಿಟ್ಟ್ ಶಿಶಿಲದ ಘಟ್ಟ, ಶಿರಾಡಿ ಬರಿಟ್ ಕೆಂಪಳದ ಘಟ್ಟ,ಕುಲ್ಕುಂದದ ಬರಿಟ್ಟ್ ಬಿಸಿಲೆದ ಘಟ್ಟ,ಹೊಸಂಗಡಿದ ಬರಿಟ್ಟ್ ಬಾಲೆಬೈಲ್ ಘಾಟಿ.
ಸಂಪಾಜೆದ ಬರಿಟ್ ಭಾಗ ಮಂಡಲದ ಘಟ್ಟ ಸೇರುದ್ ಕೆಲವು ಘಾಟಿಲು ಮುಗುಳಿ ಘಟ್ಟ,ಗಾಳಿಘಟ್ಟ ,ಕುಮಾರ ಘಟ್ಟ,ಇಂಚಿನ ಕೆಲವು ಘಟ್ಟ ಪ್ರದೇಶಲು ಉಲ್ಲ.ಉಂದು ತುಳುನಾಡುಗು ಮೂಜಿ ಸುತ್ತುಗು ಭದ್ರ ಕಾಡುದಿಂಜಿನ ಗೋಡೆದ ಕೋಟೆಲು.
ನನೊಂಜಿ ಮರ್ಗಿಲುಡು ಪಂಡ ಪಡ್ಡಯಿ ಮರ್ಗಿಲುಡು ಕಡಲು ಉದ್ದೊಗುದ್ದೊಗ್ ಉಂಡು.ಅಂಚದ್ ಹೆಚ್ಚಿನ ಸಂಪರ್ಕ ಪಿರಾಕುಡು ಯೆರೆಗುಲಾ ಅತ್ ಸುಲಭವಾದ್ ಅದ್ ಇಜ್ಜಂಡು ಅದಿಪ್ಪು ಪನ್ಪುನವು ಯೆನ್ನ ಅನಿಸಿಕೆ.ಕ್ರಮೆಣಡು ಕೆಲವೊಂಜಿ ಜನಾಂಗಲೂ ಘಟ್ಟ ಜತ್ತುದೆ ಬತ್ತುದ್,ಇಜಿಂಡ ತೆಂಕಾಯಿ ಯಾ ಬಡಕಾಯಿ ಮರ್ಗಿಲುಡು ಬತ್ತುದ್ ಮೂಲು ಕಾಡು ನಿರ್ಣಮ ಮಲ್ತುದ್ ಕಂಡ ಮಲ್ತುದ್ ಸಾಗೊಲಿ ಬೆನ್ನಿ ಬೇಸಾಯಡು ಮೂಲ್ ಜೀವನ ಸುರು ಮಲ್ತಿನಿ.ಅಂಚದ್ ಮೂಲ್ ಅದಿಡೆ ರಾಜೆರೆನ ಅಡಳಿತ ಇತ್ತುದುವಂದ್.ಅಂಡ ಅದಿಕಾಲೊಡು ಬತ್ತಿನ ಜನಾಂಗದಕ್ಲ್ ಬಾರಿ ನಂಬಿಕೆದಕ್ಲ್ ಬೊಕ್ಕ ಪ್ರಕೃತಿ ಅರಾಧಕೆರ್ ಅಂತೂ ಸತ್ಯ.ಉಂದು ಮೂಲುಂದೆ ಅತ್ತ್,ಭಾರತದ ಇತರ ಕಾಡು ಪ್ರದೇಶಡು,ಪರದೇಶಡುಲಾ ಕಾಡ ಬರಿತಕ್ಲ್,ಕಾಡ ಉಲಾಯಿ ಜೀವನ ದೆಪ್ಪುನ ಪ್ರಕೃತಿ ಅರಾಧಕೆರ್ ಉಲ್ಲೆರು.
ಸುತ್ತಲಾ ಕರಿಯ ಕತ್ತಲೆ ಕಾಡುದ ಮದ್ಯೆ ಅಸರೆಯಾದ್ ಅಹ ಪೊರ್ತುಡು
ಮಿತ್ತ್ ತೊಜಿನ,ನಮಕ್ ಬೊಳ್ಪು ಕೊರ್ನ ಸೂರ್ಯ ಚಂದ್ರೆರೆನ್ ಬೊಕ್ಕ ಈ ಮಣ್ಣುಡು ಬದುಕ್ಯರ,ಜೀವನ ಪೊರುಂಬಟಗು ನೆಲೆ ಕೊರ್ನ ಅಪ್ಪೆನ ಋಣ ತೀರಯರ ಅವಂದಿನ ಭೂಮಿಅಪ್ಪೆನ್ ದೇವೆರೆನ ಜಾಗುಡು ದೀದ್ ತೂಯೆರುಂಡ,ಪ್ರಕೃತಿದ ನಡುಟ್ ನಮ ಒಟ್ಟುಡಿಪ್ಪುನ ಕೆಲವೊಂಜಿ ಕಾಡುದ ಉಪಕಾರಿ ಜೀವಿಲೆನ್ ಬೊಕ್ಕ ಅಪಾಯಕಾರಿ ಜೀವಿಲೆನುಲಾ ಭಯಭಕ್ತಿದ ನಂಬಿಕೆದ ಮಿತ್ತು ಅಗೊಚರ ಶಕ್ತಿ ಪಂಡುದ್ ಬೂತೊಲೆನ ಬೊಕ್ಕ ದೈವೊಲೆನ ಜಾಗುಡು ತೂಯೆರ್.
ಮೂಲು ಬೂತೊಲು ಪಂಡ ಒಂಜಿ ಕಾರ್ನಿಕದ ಅಗೊಚರ ಶಕ್ತಿ,ಅಲೌಕಿಕ ಶಕ್ತಿ ಪಂಡುದು,ಅಂಚನೆ
ಅರಾಧನ ಪದ್ದತಿಡು ಬಾರಿ ವ್ಯತ್ಯಾಸ ಬೊಕ್ಕ ಅಹ ಪೊರ್ತುಡು ತುಳುವೆರೆಗ್ ವೈದಿಕ ದೇವೆರೆನ ಬಗ್ಗೆ ಅತ್ ಮಲ್ಲ ದಾಲ ಪರಿಕಲ್ಪನೆ ಇಜ್ಜಂದಿನೆರ್ದವರ ನೆಕ್ಕ್ ವೈಧಿಕ
ದೇವೆರು ಪನ್ಪಿ ಸ್ಥಾನ ಇಜ್ಜಂಡು.ದೇವಿ ದೇವತಳೆಗು ಹೋಲಿಕೆಲಾ ಇಜ್ಜಂಡು.ಅಂಚದ್
ಮೂಲ್ ನಂಬಿನ ಸತ್ಯೊಲೆನ್,ಶಕ್ತಿಲೆನ್
ಅಯಿರ್ದುಲಾ ಮಿತ್ತುದ ಸ್ಥಾನಡು ಪಂಡ
ಯೆಂಕ್ಲೆಗ್ ಮುಕ್ಲೆ ಮಲ್ಲ ದೇವೆರೆಲಾ ಬೊಕ್ಕ ಮಾತಲಾ,ಯೆಂಕ್ಲೆನ ಸರ್ವಲಾ ಪಂಡುದ್ ಮಾಯಲೊಲೆನ, ಅಗೊಚರ ಶಕ್ತಿ,ಕಾರ್ನಿಕದ ಸ್ಥಾನ ಪಂಡುದ್ ಬೂತೊಲೆನ ಸ್ಥಾನ ಕೊರಿಯೆರ್.ಅಯಿತ ಬಳುವಳಿ ಪಂಡ ಇನಿ ವೈಧಿಕ ದೇವೆರೆಗು ತುಳುನಾಡುಡು ಮಿತ್ತ ಸ್ಥಾನ ಕೊರ್ತೆರುಂಡಲಾ, ತುಳುವೆರ್ ಇನಿಕುಲಾ ದೈವ ದೇವೆರ್ ಪಂಡುದ್ ದೈವೊನು ಸುರುತ್ತ ಸ್ಥಾನಡು ದೀತೆರ್.ನೆಟ್ಟ್ ದೈವ ಪನ್ಪಿ ಪದಲಾ ಬೊಕ್ಕ ಬತ್ತಿನಿ ಅದಿಪ್ಪೊಡು.
ಅಂಚನೆ ಪಿರಾಕುರ್ದೆ ಹಿರಿಯಾಕ್ಲೆಗ್ ಗೌರವ ಕೊರ್ಪಿನ ಸಂಪ್ರದಾಯ ದಿಂಜಿನ ತುಳುವೆರೆಡು
ಅಯಿಟ್ ಕೆಲವೊಂಜಿ ಅಸಾಮಾನ್ಯ ಸಾಹಸ ಮಲ್ತಿನಕ್ಲ್,ಘನಕಾರ್ಯ ಮಲ್ತಿನಕ್ಲ್,ಯೆಡ್ಡೆ ಬೆಲೆ ಮಲ್ತಿನ ಕೆಲವೊಂಜಿ ನರಮಾನ್ಯೆರುಲಾ ಅಹ ಸಾಲುಡೆ ಸೇರೊನ್ಯೆರು.
ಅಂಡ ಮುಕ್ಲ್ ಮಲ್ತಿನ ಕಾರ್ಯನು,ಮುಕ್ಲೆನ ಸಾಹಸ ಬೀರನು ಬರೆದ್ ದೀಯರ ನಮ್ಮಕ್ಲ್ ಅಹ ಪೊರ್ತುಡು ವಿದ್ಯೆಗ್ ಪ್ರಾಮುಖ್ಯತೆ ಕೊರಂದಿನೆರ್ದವರ ಬಾಯಿರ್ದ್ ಬಾಯಿಗ್ ಪದ್ಯ ಗದ್ಯ
ರೂಪಕದ ಜಾನಪದ ಬೀರ ಪಾರ್ದನಡೆ ಪೊಯಿನೆರ್ದವರ, ನಮ್ಮಕ್ಲೆಗ್ ಅವು ಅಂಚನೆ ಕಂಡೊದ ಸಾಗೊಲಿದಲ್ಲ್,ಬೆನ್ನಿ ಬೇಸಾಯದ ಬೆಲೆದಲ್ಪ ಹಿರಿಯಾಕ್ಲೆರ್ದ್ ಬಳುವಳಿ ಅದು ಬತ್ತುಂಡು.
ಇಂಚ ತುಳುವೆರ್ ಒಂಜಿ ಕೂಡುಕಟ್ಟುಡ್ ಇಪ್ಪುನಗ ಬಡಕಾಯಿ ಮೈಯಿರ್ದ್ ಬ್ರಾಹ್ಮಣ ಜನಾಂಗದ ಪರಿಚಯ ಬೊಕ್ಕ ಕಡಲುದ ಮೂಲಕ ಅರಬ್ಬೆರುನ,ಪೊರ್ಚುಗೀಸೆರೆನ,ಬ್ರಿಟಿಷೆರುನ ಪರಿಚಯ ತೆಂಕಾಯಿ ಮಲಬಾರುದ ಮೂಲಕ ಅಂಡು.ಅಂಚದ್ ಸಾಂಬಾರ ಸೆರ್ದ್ ಕೆಲವೊಂಜಿ ನಮ್ಮ ಅಗತ್ಯದ ಪದಾರ್ಥಲು ಅಕ್ಲೆರ್ದ್ ಬಳುವಳಿ ಅದ್ ಬತ್ತುಂಡುಂದು ಪನೊಲಿ.ಇಂಚ ನಮ್ಮೆರ್ದುಲಾ ಅಕ್ಲೆಗು ಕೆಲವೊಂಜಿ ವಸ್ತುಲೆನ ಕೊಂಡುಕೊಳ್ಳುವಿಕೆದ ಒಂಜಿ ಕೂಡುಕಟ್ಟುದ ಜೀವನ ತುಳುವೆರ್ನ ಅಹ ಕಾಲೊಡು ಅದಿಪ್ಪೊಡು.
ತುಳುವೆರ್ ಪ್ರಕೃತಿ ಅರಾಧಕೆರು ಪನ್ಪುನೆಟು ವೊವ್ವೆ ಸಂಶಯ ಇಜ್ಜಿ.ಅಯಿಟುಲಾ ಸೂರ್ಯ ಚಂದ್ರೆರೆನು ಪ್ರಧಾನವಾದು ನಂಬಿನಕ್ಲ್.
ಈ ಭೂಮಿದ ಮಣ್ಣುದ ಕಲ್ಲ್ ಮಣ್ಣುರ್ದ್ ಪತ್ತುದ್ ಮುರ್ಗ ಪಕ್ಕಿಲೆನ್ ಅರಾಧನೆ ಮಲ್ತಿನಕ್ಲ್, ಅಯಿನೊಟ್ಟುಗ್ ತನ್ನ ಹಿರಿಯಾಕ್ಲೆನು ಗೌರವ ಸ್ಥಾನೊಡು ದೀಡಿನಕ್ಲ್.
ಅಂಚದ್ ಕೆಲವೊಂಜಿ ಅಸಾಮಾನ್ಯ ಪುರುಷೆರೆನ್ ಅಹ ಕಾಲೊಡು ಅಕ್ಲೆಗ್ ದೈವೊದ ಸ್ಥಾನ ಕೊರ್ದು ನಂಬ್ಯೆರ್.ಉಂದು ನಂಬಿಕೆದ ಮಿತ್ತು ಉಂತುನವು.ವೊಡೆ ಮುಟ್ಟ ಪಂಡ ಒಂಜಿ ಅಕಾರ ಇಜ್ಜಂದಿನ ಯಾ ಅಕಾರ ಇತ್ತುನಂಡಲಾ ಅಯಿಕ್ ನಾಲ್ ಜನ ಕೆಪುಳ ಪೂರ್ಪ ಪಾಡುದ್ ಕೈ ಮುಗಿಯೆರುಂಡ,ಅಹ ಕಲ್ಲುಗ್ ತನ್ನತೆಗೆ ಕಾರ್ನಿಕ ದಿಂಜೊಂದು ಬರ್ಪೆದುಂಡು.ಇಂಚಿನ ನಂಬಿಕೆಡು ಶುರುಕ್ಕ್ ತೊಜುನಾರ್ ಅಧಿ ಬಿರ್ಮೆರ್.ಈ ಬಿರ್ಮೆರ್ ಪಂಡ ಬಿರು ಪಗರಿ ಒಂಜಿ ಕೈಟ್ ಪತ್ಯೆರುಂಡ ನನೊಂಜಿ ಕೈಟ್ ಸುರಿಯ ಪತ್ತಿನರು.ಅಹ ವಿಚಾರ ತೂಂಡ ತುಳುನಾಡುಗ್ ಶುರು ಪ್ರವೇಶ ಮಲ್ತಿನರ್ ಬೊಕ್ಕ ತನ್ನ ಜೊತೆಟ್ಟು ಜನದಂಡು ಪತೊಂದು ಘಟ್ಟ ಜತ್ತುದು ಬತ್ತಿನರ್,ಈ ಮಣ್ಣುದ ಕಾಡುನು ಕಡ್ತುದು ನಾಡು ಮಲ್ಪದ್ ಜನಕ್ಲೆಗ್ ಜೀವನದ ಪಾಠ ಪಂಡುದು ಕೊರಿನರು ಬಿರ್ಮೆರ್ ಅದಿಪ್ಪೊಡು. ಅಂಚದ್ ಅರೆನ ಕಾಲ ಮುಗಿದು ಪೊಯಿ ಬೊಕ್ಕ ಅರೆನುಲಾ ಮೂಲು ಗೌರವಸ್ಥಾನಡು ಅರಾಧನೆ ಮಲ್ದೆರ್ ಅದಿಪ್ಪು.ಇತ್ತೆಲಾ ಬಿರ್ಮೆರೆನ್ ಅಧಿದೈವ ಪಂಡುದೆ ಪನ್ಪೆರ್.ಕ್ರಮೆಣಡು ಅರೆನ್ ಮಿತ್ತಸ್ಥಾನಡು(ದೇವೆರೆನ) ಕುಲ್ಲಯೆರ್,ಅಂಡಲಾ ಪಿರಾಕುದ ಪಳೆಯುಳಿಕೆಯಾದ್ ಮೂಡಾಯಿ ತೆಂಕಾಯಿ ಮರ್ಗಿಲುಡು ಅರೆಗು ಇತ್ತೆಲಾ ಕೊಲ ಅಪುಂಡು,ತಂಬಿಲ ನಡಪುಂಡು.
ಅಹ ಕಾಲೊಡು
ಸದಾ ಕಾಡಬರಿಟ್ಟ್ ಕಾಡತ್ಪತ್ತಿದೊಟ್ಟು,ಕಾಡಮರ್ದ್,ಕಾಡಮುರ್ಗೊಲೆನ ಪತ್ತುದ್,ಬೊಂಟೆ ಮಲ್ತುದ್ ಜೀವನೊಪಯ ಮಲ್ಪುನ ಜನಾಂಗಲೂ ಇತ್ತಿನೆರ್ದವರ,
ಅಹ ಪೊರ್ತುಡು ಅಕ್ಲ್ ನಂಬಿನ ಬಿರ್ಮೆರೆನ ನೆಲೆ ಕಾಡ ಬರಿಟ್ಟ್ ಅಯಿಟ್ಲ ಸುದೆತ್ತ ಬರಿಟ್ಟ್,ಜೀವನೊಪಾಯಗು ಬೊಡಯಿನ ನೀರುದ ಬರಿಟ್ಟ್ ಅದಿತ್ತುಂಡು.
ಅಯಿಕ್ ನಿದರ್ಶನ ಇತ್ತೆಲಾ ತೂವೊಲಿ,ನಡುವಲ್ಲ್ ದ ಬಿರ್ಮೆರೆ ತಾಣ,ಕುಕ್ಕೆದ ಬಿರ್ಮೆರ್,ನಂದೊಳಿಗೆ ಬಿರ್ಮೆರ್,ಮಾರಣಕಟ್ಟೆದ ಬಿರ್ಮೆರ್
ಇಂಚ ಕೆಲವು ಮಲ್ಲ ಮಲ್ಲ ಬಿರ್ಮೆರೆನ ನೆಲೆ ಉಂಡು.ಉಂದು ಪೂರ ಒಂಜಿ ಪೊರ್ತುಡು ಕಾಡು ಪ್ರದೇಶಲೆ ಅದಿತ್ತುನವು.
ಅಂಚನೆ ಬಿರ್ಮೆರೆನ ಸಂಧಿಡುಲಾ ಸಾರಮನಿ ದೈವೊಲೆನ್ ಲೆತೊಂದು ಬಿರ್ಮೆರ್ ಘಟ್ಟ ಜತ್ತುದ್ ಬರ್ಪಿನವೆ ವಿಚಾರ ನಮಕ್ ತಿಕುಂಡು ಅಂಚದ್ ಮುಲ್ತ ಅದಿ ಜನಾಂಗ ವೊವ್ವ ಒಂಜಿ ಮರ್ಗಿಲುರ್ದ್ ಘಟ್ಟ ಜತ್ತುದ್ ತುಳುನಾಡುಗ್ ಬತ್ತುದ್ ಕಾಡುನು ನಾಡು ಮಲ್ತಿನಂದೆ ಪನೊಲಿ.ಅಕ್ಲೆನ ಮೂಲ ನಾಯಕೆನೆ ಬಿರ್ಮೆರ್(ಬಿರು ಪಗರಿ ಪತೊಂದು ಇಪ್ಪಿನರ್)ಅದಿಪ್ಪೊಡು ಪಂಡುದ್ ಯೆನ್ನ ಅಭಿಪ್ರಾಯ.
ಇಜಿಂದು ಅಂಡ ಒಂಜಿ ವೇಳೆ ಅರ್ ಬೊಕ್ಕ ಪಿದಾಯಿರ್ದ್ ಬತ್ತಿನ ಒರಿ ಅರಸೆ ಸ್ಥಾನದ ಬಿರ್ಮೆರೆನು ಮುಲ್ತ ಮೂಲ ತುಳುವೆರ್ ಅತ್ ಪೂಜಾನೆದ ಭಾವನೆಡು ತೂವೊಡು ಪಂಡ ಅಯಿತ ಪಿರಾವುಡು ಭಾರಿ ಮಲ್ಲ ಕಥೆಲಾ ಇಪ್ಪೊಡು.ಅರ್ ಮುಲ್ತ ಮೂಲ ತುಳುವೆರೆಗ್ ಭಾರಿ ಮಲ್ಲ ಪರೊಪಕಾರ ಮಲ್ತಿಪ್ಪೊಡು.ಅಯಿನ್ ಬೊಕ್ಕ ಅರೆನ ಉಪಕಾರ ನೆನಪಿನ ಸಾತುಗ್ ತುಳುವೆರ್ ಅರೆನ್ ಅರಾಧನೆ ಮಲ್ತೆರ್ ಅದಿಪ್ಪು.ದಾಯೆ ಪಂಡ ಯುದ್ದ ವಿದ್ಯೆ ಕೊರೊಂದು ಇತ್ತಿನ ಗರೊಡಿಡುಲಾ ಬಿರ್ಮೆರ್ ಉಲ್ಲೆರ್(ಅಂಡ ಅಲ್ಪ ಅರೆನ ಕಥೆಟ್ ಒಂತೆ ಬದಲಾವಣೆ ಉಂಡು)ಸತ್ಯ ಸಿರಿಕುಲು ಇಪ್ಪುನ ದುಂಬುದ ಅಲಡೆಡುಲಾ ಬಿರ್ಮೆರ್ ಉಲ್ಲೆರ್.ಪ್ರತಿ ಇಲ್ಲ ಇಲ್ಲದ ನಾಗನ ಬನಟ್ಟುಲಾ ಬಿರ್ಮೆರ್ ಉಲ್ಲೆರ್.ಒಂಟಿಯಾದುಲಾ ಕೆಲವು ಕಡೆಟ್ ಮರಕಾಡುಲು ಇಪ್ಪುನ ಜಾಗೆಡು ಬಿರ್ಮೆರ್ ಖಾಲಿ ರೂಪ ಇಜ್ಜಂದಿನ ಕಾಟ್ ಕಲ್ಲುಡು ಉಲ್ಲೆರ್.ಅಂಚದ್ ಬಿರ್ಮೆರ್ ಈ ತುಳುನಾಡುಡ್ ಬಾರಿ ಪುದರ್ ದೆತ್ತಿನರ್ ಅಂತೂ ಸತ್ಯ.
ಅಯಿರ್ದ್ ಬೊಕ್ಕದ ವಿಚಾರ ತೂಪುನಂಡ ಕಾಲಕ್ರಮೇಣಡು ಬಂಗಾಡಿದ ಬರಿಟ್ಟ್ ಬಂಗಾಡಿ ಬೂಡು ಬೊಕ್ಕ ಕುಕ್ಕೆದ ಬರಿಟ್ಟ್ ಸುಬ್ರಾಯನ ನೆಲೆ(ಪಿರಾಕುಡು ಕುಕ್ಕೆ ಲಿಂಗ ಪನ್ಪೆರ್)
ಅಯಿಬೊಕ್ಕ ಘಟ್ಟದ ಮಿತ್ತುದ ಸಂಪರ್ಕ ಬೊಕ್ಕ ಕಾಡ ಉಲಾಯಿದ ಸಾದಿಲು ಬೊಕ್ಕಲಾ ಸರಾಗವಾದ್ ನಿರ್ಮಾಣ ಅಂಡುಂದು ಪನೊಲಿ.ಅಂಚನೆ ಬಾರ್ಕೂರು ದ ಬಾರಿಟ್ಟ್ ಬಾರ್ಕೂರು ಅರಮನೆ,ಕುಂಬ್ಲೆಡು ಕುಂಬಳೆದ ಅರಸೆರ್ನ ಅರಮನೆ ಸೆರ್ದ್ ಕೆಲವೊಂಜಿ ಬೂಡು,ಅರಮನೆಲು ಜೈನರಸೆರ್ ಬತ್ತುದ್ ನಿರ್ಮಾಣ ಅಂಡು.ನೆಕ್ಕ್ ಪುಷ್ಟಿಯಾದ್ ನಮಕ್ ತೆರಿಯುನ ಕೆಲವೊಂಜಿ ಅರಸು ದೈವೊಲೆನ ತುಳುನಾಡುಗು ಪ್ರವೇಶ ಅಪಿನ.ಅಂಡ ನಮ್ಮಕುಲ್ ಪಿರಾಕುರ್ದೆ ನಂಬೊಂದು ಬೈದಿನ ಪಂಜುರ್ಲಿನ ಪಿರಾಕುದ ಸಂದಿಡು ಪಂಜಿಲು ವೇಲೂರ ಬೂಡುನು ತೊಜವ ಪಂಡ ಇತ್ತೆದ ಬೇಲೂರು ನಗರ. ಈ ಪಟ್ಟಣ ಬಾರಿ ಪಿರಾಕುದವು ಅಂಚನೆ ತುಳುನಾಡುಗು ಬೊಕ್ಕ ಅಹ ಪಟ್ಟಣಗು ಅಹ ಪೊರ್ತುಡೆ ಘಟ್ಟದ ಮಿತ್ತುದ ಸಂಪರ್ಕ ಕುಕ್ಕೆದ ಘಾಟಿಡು ಇತ್ತುಂಡು ಪಂಡುದ್ ಪನೊಲಿ.ಬೇಲೂರುಡು ಚೆನ್ನಕೆಶವನ ದೇವಸ್ಥಾನ ಬಾರಿ ಪಿರಾಕುದ ಅಂಚದ್ ನೆತ್ತ ಬಗ್ಗೆ ನನತ್ ವಿಮರ್ಶೆ ಅವೊಡು.ದಾಯೆ ಪಂಡ ಪಂಜುರ್ಲಿನ ಸಂಧಿಡುಲಾ ಬಿರ್ಮಣ ಬಾರ್ಯೆ ಬಲ್ಲಾಲೆ ಬರ್ಪೆ ಅಂಚದ್,ಜೈನರಸೆರ್ ವಾ ಕಾಲೊಡು ಸರಿಯಾದ್ ತುಳುನಾಡುಗ್ ಬೈದೆರ್ ಪನ್ಪುನವು ಮಾಹಿತಿ ತಿಕುಜಿ.
ಅವು ವೊವ್ವೆ ಇಪ್ಪಡು ಅಯಿರ್ದುಲಾ ದುಂಬುಗು ಪೊಂಡ ತುಳುನಾಡುಡ್ ಅಹ ಪೊರ್ತುಡೆ ಒಂಜಿ ಸ್ವತಂತ್ರಯಿನ ರಾಜ್ಯ ಪಂಡುದ್ ಪನೊಲಿ.ಕೆಲವೆರ್ನ ಪ್ರಕಾರ ಪರಶುರಾಮನ ಕುಡರಿ ಅತ್ತ್ ,ಈ ತುಳುವ ಮಣ್ಣುಡು ಒಂಜಿ ಪೊರ್ತುಡು ಕಾಡೆ ದಿಂಜಿದ್ ಇತ್ತಿನಿ,ಅಂಚ ಉತ್ತರರ್ದ್,ಇಜಿಂಡ ದಕ್ಷಿಣರ್ದ್ ಇಜಿಂಡ ಘಟ್ಟದ ಮಿತ್ತುರ್ದ್ ಬತ್ತಿನ ಕೆಲವೊಂಜಿ ಜನಾಂಗ ಮೂಲು ಬತ್ತುದ್ ಕಾಡು ಕಡ್ತುದ್ ಕಂಡ ಮಲ್ತುದ್ ಕುಡು ಅರಿ ಬಿತ್ತುದ್(ಮೂಲ್ ಅರಿ ಪಂಡ ಬಾರ್ ದ ಅರಿಂದೆ ಅತ್ತ್,ಸಾಲೆ ಪಂಡ ಪದೆಂಗಿಸಲೆ,ಉರ್ದುಸಲೆ, ತೊಗರಿಸಲೆ ಇಂಚನೆ ಕೆಲವೊಂಜಿ ದ್ಯಾನೊಲೆನ್ ಸಾಲೆಂದು ಪಂಡೆರುಂಡ ಕುಡುನು,ಬೆದುರುದ ಬೀಜನ್ ಅರಿಕ್ಕ್ ವೊಲಿಸವೆರ್)ಮಲ್ತಿನ ನಾಡು ಪಂಡುದ್.ಅಂಚದ್ ಕುಡು ಅರಿ ಬಿತ್ತುದ್ ಜೀವನ ದೆತ್ತುನ ನಾಡು ಪಂಡುದ್ ಅಭಿಪ್ರಾಯನು ಪನ್ಪೆರ್.
ಅದಗ ಕಾಡ ಬರಿಟ್ಟ್ ಜೀವನ ದೆಪ್ಯರ ಬಿರು ಪಗರಿ ಬಳಕೆ ಮಮೂಲಿ,ಅಯಿತ ಅಣಕು ಇತ್ತೆಲಾ ದೈವರಾಧನೆಡು ನಮ ತೂವೊಲಿ.ನನ ಮರ್ದ್ ಮಾಯ ಪೂರ ಕಾಡುದವೆ ಆಯುರ್ವೇದದ ಮೂಲಕ ತುಳುವೆರೆಗ್, ಸರ್ವ ಸೊತ್ತುಲಾ ಮೂಲೆ ಇತ್ತುದ್ ಪೊರ್ಲ ಜೀವನ ದೆತ್ತೊಂದು ಇತ್ತಿನಕ್ಲ್ ದುಂಬುದ ತುಳುವೆರ್.ಒಲು ಒಂಜಿ ಸಂಸ್ಕಾರದ ಜೀವನ ಶುರು ಅಪುಂಡ ಅಲ್ಪ ಸಂಸ್ಕ್ರತಿದ ಅನಾವರಣ ಅಯಿನತೆಗೆ ಶುರು ಅಪುನ ಲೋಕ ನಿಯಮ.
ನಾಗೆ ತಂಪು ಜಾಗುಡು ಇಪ್ಪುನ ಸರಿಸೃಪ,ಅಯಿತ ಬಗ್ಗೆ ನಮಕ್ ಪೊಡಿಗೆಲಾ ಜಾಸ್ತಿ. ಕಾಟಿ,ಕಾಡೆರ್ಮೆ,ಕಾಡಪಂಜಿಲು ಕಾಡುಡ್ ಯೆತುಲಾ ಇತ್ತಿನ ಪೊರ್ತು ಅದಿತ್ತುದು ಅಹ ಕಾಲೊಡು. ಊರ ಮಾನಿಲು ಸಂಸ್ಕ್ರತಿ ಬೊಳೆಪವೊಂದು, ಸಮನ್ವಯ ಜೀವನಡು ಇತ್ತುದ್,ಅಕ್ಲ್ ಮಲ್ತೊಂದು ಇತ್ತಿನ ಬೆನ್ನಿ ಬೇಸಾಯ, ಕಂಡ ಸಾಗೊಲಿಗು ಅಹ ಪೊರ್ತುಡು ಈ ಮುರ್ಗಲೆನ ದಾಳಿ ಮಾಮೂಲಿ ಬೊಕ್ಕ ಸಹಜ ವಿಚಾರ. ಅಂಚದ್ ತುಳುವೆರ್ ಕಾಡ ಬರಿಟ್ಟ್ ಇತ್ತಿನೆರ್ದವರ ಕಾಡ್,ದೈಯಿ,ಮುರ್ಗ ಪಕ್ಕಿಲೆನ್,ಮರಕ್ಕುಲೆನ್ ಬಾರಿ ಮುಟ್ಟ ತೂವೊಂದು ಇತ್ತಿನೆರ್ದವರ ಅಯಿತ ಮಿತ್ತ್ ಪ್ರೀತಿ,ಭಯ,ಭಕ್ತಿ ಸಾಮಾನ್ಯವಾದ್ ಬರ್ಪುಂಡು.ಪ್ರಕೃತಿನು ಅರಾಧನೆ ಮಲ್ತಿನಕ್ಲ್,ಅಯಿನೊಟ್ಟುಗ್ ಪ್ರಕೃತಿದ ಜೀವಿಲೆನುಲಾ ಪೊಡಿಗೆಡು ಬೊಕ್ಕ ಭಕ್ತಿಡು ಅರಾಧನೆ ಮಲ್ದೆರ್.
ಅಂಚದ್ ಕೆಲವೊಂಜಿ ಮುರ್ಗೊಲೆನ ಉಪದ್ರ ತಡೆಯರ ತೀರಂದೆ ಅಯಿನ್ ಮರತ್ತ ಅಡಿಟ್ಟ್ ಕಲ್ಲ್ ಪಾಡುದ್,ಕಾಡಪುರ್ಪ,ತೊಡನೀರು ದೀದ್ ನಂಬ್ಯರ ಶುರು ಮಲ್ತೆರ್.ಅದಾಗನೆ ಅಯಿಕ್ಲ ಒಂಜಿ ಜಾನಪದಿಯವಾದ್ ಕಥೆನು ಕಟ್ಯೆರು. ಅಂಚನೆ ಅಯಿನ್ ಜಾನಪದ ಪಾರ್ದನದ ಮುಖಾಂತರ ಊರು ಊರುಗು ಪ್ರಚಾರಡು ಕೊನೆತೆರ್.ಅಂಡ ಅದಾಗ ಊರುರ್ದ್ ಊರುಗು ಬಾರಿ ಅಂತರ ಇತ್ತಿನೆರ್ದವರ ಕಥೆಟುಲಾ ಒಂತೊಂತೆ ಬದಲಾವಣೆ ತೊಜೊಂದು ಬತ್ತ.
ಇಂಚನೆ ನಂಬುನವು ಕ್ರಮೆಣಡು ಬೇತೆ ಬೇತೆ ಸ್ವರೂಪಲಾ ಪಡೆಯೊಂದು ಬತ್ತುಂಡು.
ನಾಗನ ಉಪದ್ರ ಬರಿಯರ ಬಲ್ಲಿಂದು ನಾಗನ್ ಕಲ್ಲ್ ಪಾಡುದ್ ನಂಬ್ಯೆರ್,(ನೆಟ್ಟ್ ರಾಶಿ ಕಲ್ಲ್ ಬೈದಿನಿ ಬೊಕ್ಕ,ದುಂಬು ಕುಟುಂಬರ್ದ್ ದೂರೊಡು ಇತ್ತಿನಕ್ಲ್,ಪೆರ್ ಮೈಪರ ಕುಟುಂಬದ ಇಲ್ಲಗ್ ಬರಿಯಾರ ಅವಂದೆ,ರಡ್ಡ್ ಮೂಜಿ ವರ್ಷ ಕರಿದು ಬನ್ನಗ ಜಾತೆಟ್ಟೆ ಒಂಜಿ ನಾಗನ ಕಲ್ಲ್ ನು ಪತೊಂದು ಬತ್ತುದ್,ಬರಂದುನ ತಪ್ಪುಗು ಮಾಪು ಅದು ದೀದ್ ಪೆರ್ ಮೈತು ಪೊಪೆದೆರುಗೆ.)
ಕಾಡ ಕಾಟಿ,ಗೊಣೆರೆನ ಉಪದ್ರ ತಡೆಯರಗದ್ ಮೈಸಾಂದಯ,ನಂದಿಗೊಣನು, ನೀರುಡು ಮುದಲೆ,ನಿಗರುದ ಉಪದ್ರ ಬರಿಯರ ಬಲ್ಲಿಂದು ಅಯಿನ್ ತಡೆಯರ ಲೆಕ್ಕೆಸಿರಿನ್ ಬೊಕ್ಕ ಮುದಲೆಕಲ್ಲ್ ಪಾಡುದ್ ನಂಬ್ಯೆರ್.ಪಂಜಿದ ಉಪದ್ರ ತಡೆಪುನ ನಂಬಿಕೆಡು ಪಂಜುರ್ಲಿನು ನಂಬ್ಯೆರ್.
ಅಂಚ ಕೆಲವೊಂಜಿ ನಂಬಿಕೆನ್ ಪತೊಂದು,ಅವೈದಿಕ ಕ್ರಮೊಟ್ಟು ಮಲ್ತೊಂದು, ಅಯಿನ್ ಪಾಲ್ತೊಂದು ಅಯಿಟುಲಾ ತನ್ನ "ನಂಬಿಕೆ"ನು ದುಂಬು ದೀವೊಂದು ಜೀವನ ದೆತ್ತೊಂದು ಬತ್ತಿನಕ್ಲ್ ಮುಲ್ತ ತುಳುವೆರ್.
ಅಯಿಟುಲಾ ಉಂದು ಪೂರ ಬನ ಪಂಡ ಕಾಡುಡೆ ನಂಬಿನ ಬೂತೊಲು.
ಸಾಮಾನ್ಯವಾದ್ ಯೆನ್ನ ಪ್ರಕಾರ ತುಳುನಾಡುಡು ಜೈನ ಅರಸೆರ್ನ ಪ್ರವೇಶ ಅಯಿ ಬೊಕ್ಕ ಮೂಲ್ ಒಂಜಿ ಸಾಮಾಜಿಕ ಬೊಕ್ಕ ರಾಜಕೀಯ ಅಡಳಿತ ಚೌಕಟ್ಟುದ ಜೀವನ ಪದ್ದತಿ ಶುರು ಅಯಿನ ಪಂಡುದ್ ತೊಜುಂಡು.(ಅಂಚನೆ ಕಾಡುಡಿತ್ತಿನ ದೈವೊಲೆನ್ ಬೊಕ್ಕಲಾ ವಿಶೆಷ ನಂಬುಗೆಡ್ ಉಲಾಯಿ ಕೊನತೆರ್,ಅಯಿಟ್ ಮೈಸಾಂದಯೆಲಾ ಒಂಜಿ,ಗುತ್ತು ಬೂಡುಲೆಡ್ ಕಂಬುಲಗ್ ಪಿದಾಡುನೆಕ್ ದುಂಬು ಮೈಸಾಂದಯಗ್ ತಂಬಿಲ ಕರ್ಪುವೆರ್)
ನಮ ಒಂತೆ ದುಂಬುದ ವಿಚಾರಗು ಪೊಂಡ
ದುಂಬು ಮೂಲ್ ಕೆಲವೊಂಜಿ ಲೆಕ್ಕೊದ ಬಾರೀಕೆದ ಇಲ್ಲುಡು ಅಪ್ಪೆನೆ ಹಿರಿಯಮಂತಿ ಪನ್ಪಿ ಅಪ್ಪೆ ಸಂಸಾರದ ಜೀವನ(ಮಾತೃಮೂಲಿನ) ನಡತೊಂದು ಇತ್ತುಂಡು ಪಂಡುದ್ ಪನೊಲಿ.ಅದಗ ಗುತ್ತು ಪನ್ಪುನವು ಇಪ್ಪುನ ವಿಚಾರ ಒಂತೆ ಕಮ್ಮಿಂದು ತೊಜುಂಡು. ಸ್ವಂತಸ್ಥಿಕೆದ ಬಾರೀಕೆದ ಇಲ್ಲುಲ್ ಪಂಡ ಒಂಜಿ ಇಲ್ಲಡು ಅಪ್ಪೆನೆ ಮುಖ್ಯ , ಅಲೆನ ಮಗೆ ಅಹ ಇಲ್ಲದ, ಬೆನ್ನಿದ ಜವಾಬ್ದಾರಿ ತೂವೊಂದು ಇಪ್ಪೆದುನ.ಅಹ ಅಪ್ಪೆನ ಮದ್ಮೆ ಅಯಿನ ಮಗಳ್ ಬೊಕ್ಕ ಮಗಳೆನ ಜೊಕ್ಲ್ ಪೂರ ಅಹ ಇಲ್ಲಡೆ ಬೆನ್ನಿ ಬೇಸಾಯಡು ಜೀವನ ಕಳೆಯೊಂದು ಇತ್ತಿನ.ವೊಡೆ ಮುಟ್ಟ ಪಂಡ ಅಹ ಪೊಂಜೊವುನ ಮಗಳೆನ ಕಂಡನಿ ಅ ಮಾಮಿನ ಇಲ್ಲಡೆ ಬತ್ತುದ್ ಇತ್ತುದ್ ಬೆನ್ನಿದ ಬೆಲೆ ಬೆಂದೊಂದು ಇತ್ತಿನಿ.
ಸರ್ವ ಕಾರ್ಯಲಾ ಅಹ ಇಲ್ಲಡೆ ನಡತೊಂದು ಇತ್ತುಂಡು.ವಿದ್ಯೆ ಇಜ್ಜಿಂಡಲಾ ಅಚಾರ ವಿಚಾರಗು,ಕ್ರಮ ಕಟ್ಟಲೆಗು,ಪರ್ಬ ಗೌಜಿಲೆಗ್,ಮದ್ಮೆ ಗರ್ದುಲೆಗ್ ಅಲ್ಪ ಕೊರತೆ ಇಜ್ಜಂಡು.ಏಳ್ ದಿನೊತ್ತ ಮದ್ಮೆಲಾ ನಡತೊಂದು ಇತ್ತಿನ ಕಾಲಗೆ.
ಇಂಚ ತುಳುವನಾಡುದ ಸಂಪ್ರದಾಯದ ನಡತೊಂದು ಬತ್ತುನವು.ಕ್ರಮೆಣಡು ಕುಟುಂಬಡು ಜನ ಜಾಸ್ತಿ ಅಯಿಲೆಕನೆ,ಕೂಡ ಕೂಡ ಕಾಡುಲೆನ್ ಕಡ್ತುದ್ ಕಂಡಭೂಮಿ ಮಲ್ತುದ್ ಕೆಲವೆರ್ ಕೂಡುಕುಟಂಬರ್ದ್ ಸ್ವತಂತ್ರವಾದ್ ಉಂತ್ಯೆರುಂಡ ನನ ಕೆಲವೆರ್ ಒಕ್ಕೆಲ್ ಗೇಣಿಗು ಕುಲ್ಯೆರ್.ಅದಗ ಈ ಬೊಡಿತುನತ್ ಕಂಡ ಬೆನ್ನಿ ಇತ್ತುನ ಬಾರೀಕೆಲೂ "ಧನಿಒಕ್ಕೆಲು"ದ ಜಾಗೆಡು ಧನಿಯಾದ್ ಪೊದು ಉಂತುಂಡು.ಅಂಡ ಕ್ರಮೆಣಡು ಕೆಲವೊಂಜಿ ಬಾರೀಕೆದ ಇಲ್ಲುಲು ಅಳಿಯಂತ್ರ ಅದು ಪೊಯ.ಅಂಚ ಅಯರ ಕಾರಣ ಬಾರೀಕೆಡು,ನಟ್ಟಿಲುಡು,ಕೂಡುಕುಟುಂಬಡು ತಂಕದ ಜವ್ವನ್ನೆರುನ ಕಾರುಬಾರು ಕಮ್ಮಿ ಅಯಿನಂದು ಪನೊಲಿ.
ನನ ಗುತ್ತುಲು ಪೂರ ಅಯಿರ್ದ್ ಬೊಕ್ಕ ತುಳುನಾಡುಡ್ ತುಂಡರಸೆರ್ನ ಅಡಳಿತ ಬನ್ನಗ ಬೈದಿನವುಂದು ಪನೊಲಿ,ಜೈನರಸೆರೆನ ಸೈನ್ಯದ
ದಂಡುಗ್ ಉಂತುಯಗ್, ಊರುದ ಕಂಡೊಲೆನ ಗೇಣಿ, ತೆರಿಗೆ ಸಂಗ್ರಹಣೆಗು,ಗ್ರಾಮೊಡು ಅಪಿನ ಕಿನ್ಯ ಕಿನ್ಯ ನ್ಯಾಯಲೆನ್ ಸರಿ ಮಲ್ಪರ ಬೊಡದು ಬೊಡಾದು ಕೆಲವೊಂಜಿ ಇಲ್ಲುಲೆಗ್ ಗುತ್ತುದ ಭಾಮ,ನನ ಸೈನಿಕೆರೆಗ್ ಗರೊಡಿ ವಿದ್ಯೆ ಕಲ್ಪವೊಂದು ಇತ್ತಿನಕ್ಲೆಗುಲಾ ಗರೊಡಿದ ಇಲ್ಲದ ಸ್ಥಾನ ಕೊರಿಯೆರ್,ಇಂಚ ಮಾತ.
ಇಂಚನೆ ಇತ್ತಿನ ಕಾಲಘಟ್ಟಡು ಗುತ್ತುಲೆಗ್ ಮಾತ್ರ ತುಂಡರೆಸರುನ ಪ್ರಭಾವ ಜಾಸ್ತಿ ಅಂಡು.ಅದಗ ಬಾರೀಕೆಲೂ ಅಯಿತ ಅಧಿಕಾರ ಕಡಿಮೆ ಅವೊಂದು ಬತ್ತುಂಡು.ಬಾರೀಕೆಡು ಬೂತೊಲು ಬೂತೊಲೆಕೊಟ್ಯಡು ಇತ್ತುಂಡ,
(ಗುತ್ತುಲೆಡು ಬೊಕ್ಕ ಬೂಡುಲೆಡ್ ಶುರುಕ್ಕಾದ್ ದೈವೊಲು ಅರಸು ದೈವರಾಧನೆದೊಟ್ಟು ಸೆರ್ದ್ ಚಾವಡಿದ ಭಾಮೊಗು ಬತ್ತ.)
ನೆಕ್ಕ್ ಉದಾರ್ಮೆ ಅದು ತೂಪುಂಡ ಇತ್ತೆಲಾ ಹೆಚ್ಚಿನ ದೈವೊಲೆನ ಸಂಧಿ ಬಾರೀಕೆರ್ದ್ ಶುರು ಅಪಿನಿ.ಅಂಡ ಅಲ್ಪ ಅವು ಅಧಿಕಾರದ ದೈವ ಬೊಕ್ಕ ಕುಟುಂಬದ ದೈವ ಅಧಿತ್ತುಂಡು ಹೊರತು ಅರಸು ದೈವಂದು ಇಜ್ಜಂಡು.
ತುಳುನಾಡುಡು ತುಂಡರಸೆರೆನ ಕಾಲೊಡು ಗುತ್ತುಲು,ಬೂಡುಲು ಬತ್ತಿಬೊಕ್ಕ ತುಳುನಾಡುಡು
ಅನನ್ಯವಾಯಿನ ಬದಲಾವಣೆ ಬತ್ತುದ್,ಬೂತರಾಧಾನೆ ದೊಟ್ಟು ಅರಸು ದೈವರಾಧನೆ ಸೇರೊಂದು ಬತ್ತುಂಡು ಪನ್ಪುನ ಸ್ಪಷ್ಟವಾಯಿನ ವಿಚಾರ. ಅಂಚನೆ ಕಂಡೊಡು ನಡತೊಂದು ಇತ್ತಿನ ಕುಸಲುದ,ಮನೊರಂಜನೆದ ಎರುಕುಲೆನ್,ಗೊಣೆರೆನ್ ಗಿಡ್ಪುನ ಕಂಬುಲ ದೇವೆರೆನ,ದೈವೊಲೆನ ಪುದರುಡುಲಾ ಅಂಡು,ರೂಢಿಗು ಬತ್ತುಂಡು ಪನೊಲಿ,ಬೊಕ್ಕ ಬೊಕ್ಕ,ನೆಕ್ಕ್ ವಿಶೆಷ ಪ್ರಾಮುಖ್ಯತೆ ತಿಕುಂಡು.ಬಾರೆ ಪಾಡುನ ಕ್ರಮ,ಪೂಕರೆ ಕ್ರಮ,ಕಂಡದಕೊರಿ ಪೂರ ಬಾರಿ ಗರ್ದುಡು ನಡತೊಂದು ಬತ್ತುಂಡು.
ಖುಷಿಕ್ಕ್ ಮಲ್ಪೆದುನ ಕೊರಿದಾಟ ದೈವೊಲೆನ ಉಚ್ಚಯಗುಲಾ ಸೆರುಂಡು.(ಕೊರಿದಾಟ ತಮಿಳುನಾಡು,ಅಂದ್ರಡು, ಪಿದಾಯಿ ದೆಸೊಡುಲಾ ಅಪುಂಡು,ಅಂಡ ತುಳುನಾಡುದತ್ ಮಾನ್ಯತೆ ಅಲ್ಪ ಅಯಿಕ್ ಬೈಜಿ.ಮೂಲ್ ಅಯಿನ್ ದೈವರಾಧನೆದೊಟ್ಟು ಸೇರದೆರ್).
ಅಂಚನೆ ಕೊರಿನ್ ಬೂತರಾಧಾನೆದೊಟ್ಟು ಪ್ರದಾನವಾದ್ ಬಳಕೆ ಮಲ್ದೆರ್.
ಅಟ,ಯಕ್ಷಗಾನ ಪೂರ ಅಹ ಕಾಲೊಡು ವಿಶೆಷ ಮಾನ್ಯತೆ ಪಡೆಂಡು.
ಇತ್ ಪೂರ ಅಂಡಲಾ ನಮ್ಮ ತುಳುನಾಡ ಇತಿಹಾಸನು ಯೆರ್ಲಾ ಒಲುಲಾ ಸರಿಯಾದ್ ದಾಖಲು, ನಮೂದು ಮಲ್ತುದ್ ದೀವಂದಿನ ಮಲ್ಲ ಬೆಜಾರು.ಜೈನರಸೆರ್ನ ಕಾಲೊಡೆ ಕೆಲವೊಂಜಿ ಜನಾಂಗಲೂ ಘಟ್ಟ ಜತ್ತುದ್ ತುಳುನಾಡುಗ್ ಬತ್ತೆರುಂಡ ಕೆಲವೊಂಜಿ ಜನಾಂಗ ಬಡಕಾಯಿ ಪುಡೆರ್ದ್ ಬತ್ತೆರು,ಮೂಕ್ಲೆನ ವೈಧಿಕ ಬೊಕ್ಕ ಅವೈದಿಕ ಸಂಸ್ಕ್ರತಿ ಬೊಕ್ಕ ತುಳುನಾಡ ಅವೈದಿಕ ಸಂಸ್ಕ್ರತಿ ಒಟ್ಟು ಸೆರ್ದ್ ಒಂಜಿ ಶ್ರೀಮಂತ ತುಳುನಾಡ ಸಂಸ್ಕ್ರತಿ ಅತುಂಡು ಪಂಡ ತಪ್ಪವಂದು.ಇನಿ ತುಳುನಾಡ ದೈವರಾಧನೆ ಸೆರ್ದ್ ಮಾತ ಕಾರ್ಯಕ್ರಮಲಾ ಪತ್ತ್ ಪದಿನಾಜಿ ಜನಾಂಗ ಸೆರ್ದ್,ಪತ್ತಿತ್ತೆರ್ ಸೆರ್ದ್ ಮಲ್ಪುವೆರ್ ಪಂಡ ನೆಟ್ಟ್ ಪಿರಾಕುದಕ್ಲೆನ ಸಹಬಾಳ್ವೆ, ಒಗ್ಗಟ್ಟು,ಜೀವನಶೈಲಿ, ಬೊಕ್ಕ ಒರಿಗೊರಿಯಗು ಇತ್ತಿನ ಅನುಬಂಧ,ಅನ್ಯೊನ್ಯತೆ ಪಂಡುದ್ ಪನೊಲಿ.
ಅಹ ಪೊರ್ತುಡು ತುಳುನಾಡುಗ್ ಬತ್ತುನಕ್ಲ್ ಕೂಡ ಸರಾಗವಾದ್ ತುಳು ಕಲ್ತುದ್,ತುಳುಕ್ಕ್ ,ತುಳುನಾಡ ಸಂಸ್ಕ್ರತಿಗು ಒಂಜಿ ಜಾನಪದ
ಮುನ್ನುಡಿ ಬರೆದಿತ್ತೆರ್, ದೈವರಾಧನೆಗುಲಾ ಅಕ್ಲ್ ಒತ್ತು ಕೊರಿಯೆರ್, ಕಂಡ ಸಾಗೊಲಿನು ಬಿರ್ದುಡು ಮಲ್ತೆರ್.ಜಾನಪದ ಪದಕ್ಕುಲು ಪ್ರತಿಯೊಂಜಿ ಬೆಲೆಗು,ಕಾರ್ಯಕ್ರಮಕ್ಕ್,ಬೆನ್ನಿ ಕಾರ್ಯಗುಲಾ ಇತ್ತುಂಡು.
ಅಂಚದ್ ಅಕ್ಲ್ ತುಳುನಾಡ ಮಾತ ಜಾನಪದ ಕ್ಷೇತ್ರಡು ಸೇರಿಗೆಯಾಯೆರು.ತುಳುನಾಡ ಸಂಸ್ಕ್ರತಿನು ಊರೊಲ್ಮೆ ಪಸೆರಿಸಯೆರ್.ಅಂಚದ್
ಜಾನಪದವಾದ್ ತುಳುನಾಡು ಅಹ ಪೊರ್ತುಡು ಒಂಜಿ ರಾಜ್ಯ ಅದಿತ್ತುಂಡು ಪಂಡಲಾ ತಪ್ಪವಂದು.ನಮ್ಮವೆ ಸಂಸ್ಕ್ರತಿ, ನಮ್ಮವೆ ಅಚಾರ ವಿಚಾರ,ನಮ್ಮವೆ ಅವೈದಿಕ ಕ್ರಮೊಕುಲ್,ಅಯಿರ್ದ್ ಬೊಕ್ಕ ಬತ್ತಿನ ವೈದಿಕ ಕ್ರಮಕುಲು ಪೂರಲಾ ಇತ್ತುಂಡು.ಮೂಜಿ ಕಡೆತ್ತ ಭದ್ರ ಕೋಟೆದ ಉಲಾಯಿ ಇತ್ತಿನ ತುಳುನಾಡುಗು ತುಳುಭಾಷೆಗು ಇನಿ ಅತ್ ಮಲ್ಲ ಮಾನ್ಯತೆ ಇಜ್ಜಂದೆ ಅದ್ ಪೊತುಂಡು.ಕಾರಣ ಈತೆ
ಕ್ರಮೆಣಡು ಕನ್ನಡ ಅರಸೆರ್ನ ದಾಳಿ,ತುಳುನಾಡ ಅರಸೆರ್ನ ಒಗ್ಗಟ್ಟುದ ಕೊರತೆ ಅಯಿನೆರ್ತವರ ಕ್ರಮೆಣಡು ತುಳುನಾಡುಡ್ ಕನ್ನಡ ಲಕ್ಕುದು ತೊಜಿಂಡು,ಅವು ಇತ್ತೆ ಮುಟ್ಟಗುಲಾ ನಿರಂತರವಾದು ಅವೊಂದೆ ಬೈದುಂಡು.
ತುಳುಭಾಷೆ ಇಲ್ಲಲೆ ಒರಿದು ಅಪ್ಪೆಭಾಷೆ ಅಂಡು.ವುಂದು ವೊಡೆಮುಟ್ಟಪಂಡ ಪಿರಾಕುಡೆ ತುಳುನಾಡ ತುಂಡು ಅರಸೆರ್ ಒಟ್ಟಾದು ಒಗ್ಗಟ್ಟು ಅದು ತುಳುನಾಡುನು ವೊರಿಪಯರ ಪ್ರಯತ್ನ ಮಲ್ತುಜೆರ್.ಅಖಂಡ
ತುಳುನಾಡುಡು ಒರಿಲಾ ಪ್ರಬಲ ಅರಸೆರಾದು ಉಂತುಜೆರ್. ಪೂರ ತುಂಡರಸೆರ ವೈಮನಸ್ಯ ಅಡಳಿತ.ಒರಿಯನ್ ತೂಂಡ ಒರಿಯಗಾಪುಜಿ ಅಂಚಿನ ಅಡಳಿತ.
ಇಂಚಿಪ ಇಂಚಿಪ ಬತ್ತಿನ ಅರಸೆರ್ನ ಮುಟ್ಟಲಾ ಒಗ್ಗಟ್ಟುದಾಂತೆ ಇತ್ತೆರುಂಡ,ಘಟ್ಟದ ಮಿತ್ತುದ ಅರಸುನಕ್ಲ್ ಅಡಳಿತ ಮಲ್ಪುನಗ ತುಳುನಾಡುನು,ಭಾಷೆನು ಕನ್ನಡರ್ದ್ ಬೇತೆ ಮಲ್ತುಂಡ ಮುಲ್ತ ಮರಸಂಪತ್ತು, ಮುರ್ಗಸಂಪತು,ಕಡಲಸಂಪತ್ತುನನತು ಈ ಭೂಮಿದ ಸಂಪತ್ತು ನಮಕ್ ದಕ್ಕುಜಿ ಪಂಡುದ್ ಪ್ರತ್ಯೆಕ ತುಳುನಾಡುಗು ಮಾನ್ಯತೆ ಕೊರಿಜೆರ್, ಕೊರಿಯರಲಾ ಬುಡುಜೆರ್.ಬ್ರಿಟಿಷ್‌ ಸಾಮ್ರಾಜ್ಯದ ಪೊರ್ತುಡುಲಾ ನೆಕ್ಕ್ ಹೊರತು ಅದಿಜ್ಜಂಡು.ಸ್ವಾತಂತ್ರ್ಯ ತಿಕಿ ಬೊಕ್ಕ ರಾಜಕಾರಣಿಲು ಅಕ್ಲೆನ ಸ್ವಾರ್ಥ ಸಾಧನೆಗ್ ತುಳುನಾಡುನು ಬಳಕೆ ಮಲ್ತೆರ್ ಹೊರತು ವಿಬಿನ್ನ ಜನ ಶೈಲಿದ,ವಿಬಿನ್ನ ಅಚರಣೆದ,ವಿಭಿನ್ನ ಚಿಂತನೆದ ತುಳುನಾಡುಗ್ ಮಾನ್ಯತೆ ಕೊರ್ಪಿನ ಬೆಲೆನ್ ಅಕ್ಲು ಕೂಡ ಮಲ್ತುಜೆರ್ ಪನ್ಪುನ ಒಂಜಿ ವಿಚಾರ ಸತ್ಯ..!
ಯೆನ್ನ ಒಂಜಿ ಕಿನ್ಯ ಅನಿಸಿಕೆ.
CREDIT-KUDLA-ODIPU-KASROD FACEBOOK PAGE
ಬರವು-ಚಂದು.
ಸರ್ವ ತುಳುನಾಡ ತುಳುವ ಬಂದುಲೇಗ್ ಸೊಲ್ಮೆಲು ಸಂದಾಯಿತ ಮಲ್ತೊಂದು. ಜಾನಪದ ಲೋಕಡು ತುಳುನಾಡು ರಾಜ್ಯದ ಬಗ್ಗೆ
ಯಾನ್ ಯೆನ್ನ ಅನಿಸಿಕೆದ ಅಭಿಪ್ರಾಯನು ನಿಕ್ಲೆನ ಎದುರ್ ದೀವೊಂದು ಉಲ್ಲೆ.
ತುಳುವ ನಾಡು ಪನ್ಪಿನ
ನಮ್ಮವೊಂಜಿ ಯೆಲ್ಯಾ ವಿಬಿನ್ನ ಸಂಸ್ಕ್ರತಿದ,ವಿಬಿನ್ನ ಸಂಸ್ಕಾರ,ವಿಬಿನ್ನ ಸಂಪ್ರದಾಯದ ಕಿನ್ಯ ಬೂಡು ತುಳುನಾಡು.
ತುಳುವಪ್ಪೆ ಜೊಕ್ಲ್ ನಮ,ತುಳುವ ಮಣ್ಣುದ ಕಮ್ಮೆನ ಪತ್ತಿನಕ್ಲ್.
ಅಚಾರ ವಿಚಾರಗ್ ತಪ್ಪಂದೆ ನಮ್ಮ ಹಿರಿಯಾಕ್ಲ್ ಅನಾದಿಕಾಲರ್ದ್ ಈ ಪಂಚಪರಣದ ಪುಂಚದ ನಾಗನಡೆತ ಮಣ್ಣುಡು ಪೊರುಂಬುದ್,ಬೆಗರ್ ಬಿಚ್ಚದ್ ಅಂಚನೆ ದೈವ ದೇವರೆನ ಅನುಗ್ರಹ ಪಡೆತೊಂದು ಪೊರ್ಲ ಜೀವನ ದೆತ್ತಿನಕ್ಲ್,ಅಕ್ಲೆನ ಸಾದಿಡು ನಮ್ಮಕ್ಲ್ ಬೊಕ್ಕ ನಮಲಾ ಕಾಲಗ್ ತಕ್ಕ ಕೊಲ ಕಟ್ಟೊಂದು ಜೀವನದ ಗಾಡಿನ್ ವೊಯಿತೊಂದು ಪೊವೊಂದು ಉಲ್ಲ.ಪರ್ಪಿ ನೀರು,ವೊಯಿಪಿ ಗಾಳಿ ಸೇರುದು ತಿನ್ಪಿ ತೆನಸುಗು ಮುಟ್ಟ ವೊವ್ವೆ ರೀತಿದ ಕೊರತೆದಾಂತೆ ಪೊರ್ಲುದ ಜೀವನ ನಮ್ಮವು.
ನಮಕ್ ನಮ್ಮವೆ ಅಯಿನ ಭಾಷೆ,ಲಿಪಿ,ದೈವೊಲ್,ದೇವೆರ್, ಕಟ್ಟ್,ಕ್ರಮೊಕುಲ್ ಉಲ್ಲ.
ತೆಂಕಾಯಿ ರಾಮೆಶ್ವರ್ದ್ ಬಡಕಾಯಿ ಅಂಕೊಲೆಶ್ವರ ಮುಟ್ಟ ಕಡಲ್,
ಮೂಡಾಯಿ ಘಟ್ಟದ ನಡುಟ್ ಗುಡ್ಡೆ ತೊಡು,ಬೈಲು ಸಾಲು,ಕಾಡು ಮಲೆ ದಿಂಜಿನ ನಮ್ಮ ವೊಂಜಿ ತುಳುವನಾಡು.
ಬಂದುಲೇ ತುಳುವ ಮಣ್ಣುದ ಉದಿಪುದ ಬಗ್ಗೆ ನಿಖರವಾಯಿನ ಮಾಹಿತಿ ಇಜ್ಜಿಂಡಲಾ ಈ ಮಣ್ಣುಡು ಜನವಸತಿ ಯೆಪ ಸುರು ಅಂಡು ಪಂಡುದ್ ನಮ ತೆರಿಯೊಂದು ಪೊಂಡ,
ಪೌರಾಣಿಕ ಬೊಕ್ಕ ಧಾರ್ಮಿಕವಾದ್ ಕೆಲವೆರ್ ಈ ತುಳುವ ಮಣ್ಣುನ್ ಪರಶುರಾಮ ಸೃಷ್ಟಿ ಪನ್ಪೆರ್.
ಪರಶುರಾಮೆ ತನ್ನ ಕುಡರಿನು ಕಡಲುಗ್ ದಕ್ಕುದ್ ತುಳುವನಾಡು ಸೃಷ್ಟಿ ಅಂಡು ಪಂಡುದು.ಯೆನ್ನ ಒಂಜಿ ಕಿನ್ಯ ಅನಿಸಿಕೆ ಒಂಜಿ ವೇಳೆ ಪರಶುರಾಮನ ಸೃಷ್ಟಿ ಅತುಂಡ ಇನಿ ಬಿರು ಪಗರಿ ಪತ್ತಿನ ಬಿರ್ಮೆರೆನ ಜಾಗುಡು ಕುಡರಿ ಪತ್ತಿನ ಪರಶುರಾಮೆರೆನ್ ನಮ್ಮ ತುಳುವೆರ್ ಅರಾಧನೆ ಮಲ್ಪೊಡು ಇತ್ತುಂಡು.ಅಂಡ ಪರಶುರಾಮೆರೆನ ಅರಾಧನೆ ಒಲುಲಾ ಅತ್ ವಿಶೆಷವಾದ್ ತೊಜುಜಿ.
ಬೊಕ್ಕೊಂಜಿ ಪಂಡ ಧಾರ್ಮಿಕ ವಾದ್ ತೂಪುಂಡ ಪರಶುರಾಮೆರು ವಾಮನ ಅವತಾರರ್ದ್ ಬೊಕ್ಕ ಬರ್ಪಿನ.ವಾಮನ ಅವತಾರಡೆ ಬಲಿಯೆಂದ್ರೆ ತುಳುನಾಡುಡು ಅಡಳಿತ ಮಲ್ತೆ ಪನ್ಪೆರ್. ನನೊಂಜಿ ವಿಚಾರ ಪಂಡ ಭೌಗೋಳಿಕ ವಾದ್ ಬೊಕ್ಕ ತುಳುನಾಡ ಜಾನಪದಿಯವಾದ್ ತುಳುನಾಡ ಉಗಮಗ್
ಬೇತೆ ಬೇತೆನೆ ಕಥೆಕುಲ್ ಉಲ್ಲ.ಅಂಚದ್ ಅಯಿತ ವಿಮರ್ಶೆ ಅತು ಸುಲಭವಾದ್ ಇಜ್ಜಿ,ಸ್ಪಷ್ಟವಾದು ವಿಮರ್ಶೆ ಮಲ್ಪರಗುಲಾ ಅಪುಜಿ.
ಅಂಡ ಒಂಜಿ ವಿಚಾರ ಅಂತೂ ಸತ್ಯ ಈ ಇತ್ತೆದ ತುಳುವ ಮಣ್ಣು
ಒಂಜಿ ಕಾಲೊಡು ಸಂಪೂರ್ಣ ಕಾಡು ದಿಂಜಿನ ಪ್ರದೇಶ ಪಂಡ ತಪ್ಪವಂದು.
ಅಂಚದ್ ತುಳುನಾಡುಂದು ಪನ್ಪಿನ ಈ ಮಣ್ಣುದ ಸಂಪರ್ಕ ಪಿರಾಕುರ್ದೆ ಅತ್ ವಿಶೆಷವಾದ್ ಯೆರೆಗುಲಾ,ವಾ ಜನಾಂಗಗುಲಾ ಅದಿಪ್ಪಂದು.
ದಾಯೆ ಪಂಡ ಪಡ್ಡಾಯಿದ ಮರ್ಗಿಲುಡು ಕಡಲ ಬರಿ ಒಂಜಿ ಬುಡುಂಡ ಸುತ್ತಲಾ ಘಾಟಿಲೆ ದಿಂಜಿನ ಘೊರ ಮಲೆ ತಿಕುನಿ.
ಬೆಳ್ತಂಗಡಿ ಬರಿತ್ತ ಬಂಗಾಡಿ,ಶೀರ್ಲಾಲ್,ಸಂಸೆ
ಬೊಕ್ಕ ಕಡ್ತಿಕಲ್ಲ್ ಘಟ್ಟ,ನೆರಿಯದ ಬರಿಟ್ಟ್ ಚಾರ್ಮಾಡಿ ಘಟ್ಟ,ನೆರಿಯಾ,
ಬಜಗೊಳಿದ ಬರಿಟ್ಟ್ ಮಾಳದ ಘಟ್ಟ,ಸೊಮೆಶ್ವರದ ಬರಿಕ್ಕ್ ಅಗುಂಬೆ ಘಟ್ಟ, ಕಬ್ಬಿನಾಲೆ ಘಟ್ಟಲು,
ಶಿಶಿಲಬರಿಟ್ಟ್ ಶಿಶಿಲದ ಘಟ್ಟ, ಶಿರಾಡಿ ಬರಿಟ್ ಕೆಂಪಳದ ಘಟ್ಟ,ಕುಲ್ಕುಂದದ ಬರಿಟ್ಟ್ ಬಿಸಿಲೆದ ಘಟ್ಟ,ಹೊಸಂಗಡಿದ ಬರಿಟ್ಟ್ ಬಾಲೆಬೈಲ್ ಘಾಟಿ.
ಸಂಪಾಜೆದ ಬರಿಟ್ ಭಾಗ ಮಂಡಲದ ಘಟ್ಟ ಸೇರುದ್ ಕೆಲವು ಘಾಟಿಲು ಮುಗುಳಿ ಘಟ್ಟ,ಗಾಳಿಘಟ್ಟ ,ಕುಮಾರ ಘಟ್ಟ,ಇಂಚಿನ ಕೆಲವು ಘಟ್ಟ ಪ್ರದೇಶಲು ಉಲ್ಲ.ಉಂದು ತುಳುನಾಡುಗು ಮೂಜಿ ಸುತ್ತುಗು ಭದ್ರ ಕಾಡುದಿಂಜಿನ ಗೋಡೆದ ಕೋಟೆಲು.
ನನೊಂಜಿ ಮರ್ಗಿಲುಡು ಪಂಡ ಪಡ್ಡಯಿ ಮರ್ಗಿಲುಡು ಕಡಲು ಉದ್ದೊಗುದ್ದೊಗ್ ಉಂಡು.ಅಂಚದ್ ಹೆಚ್ಚಿನ ಸಂಪರ್ಕ ಪಿರಾಕುಡು ಯೆರೆಗುಲಾ ಅತ್ ಸುಲಭವಾದ್ ಅದ್ ಇಜ್ಜಂಡು ಅದಿಪ್ಪು ಪನ್ಪುನವು ಯೆನ್ನ ಅನಿಸಿಕೆ.ಕ್ರಮೆಣಡು ಕೆಲವೊಂಜಿ ಜನಾಂಗಲೂ ಘಟ್ಟ ಜತ್ತುದೆ ಬತ್ತುದ್,ಇಜಿಂಡ ತೆಂಕಾಯಿ ಯಾ ಬಡಕಾಯಿ ಮರ್ಗಿಲುಡು ಬತ್ತುದ್ ಮೂಲು ಕಾಡು ನಿರ್ಣಮ ಮಲ್ತುದ್ ಕಂಡ ಮಲ್ತುದ್ ಸಾಗೊಲಿ ಬೆನ್ನಿ ಬೇಸಾಯಡು ಮೂಲ್ ಜೀವನ ಸುರು ಮಲ್ತಿನಿ.ಅಂಚದ್ ಮೂಲ್ ಅದಿಡೆ ರಾಜೆರೆನ ಅಡಳಿತ ಇತ್ತುದುವಂದ್.ಅಂಡ ಅದಿಕಾಲೊಡು ಬತ್ತಿನ ಜನಾಂಗದಕ್ಲ್ ಬಾರಿ ನಂಬಿಕೆದಕ್ಲ್ ಬೊಕ್ಕ ಪ್ರಕೃತಿ ಅರಾಧಕೆರ್ ಅಂತೂ ಸತ್ಯ.ಉಂದು ಮೂಲುಂದೆ ಅತ್ತ್,ಭಾರತದ ಇತರ ಕಾಡು ಪ್ರದೇಶಡು,ಪರದೇಶಡುಲಾ ಕಾಡ ಬರಿತಕ್ಲ್,ಕಾಡ ಉಲಾಯಿ ಜೀವನ ದೆಪ್ಪುನ ಪ್ರಕೃತಿ ಅರಾಧಕೆರ್ ಉಲ್ಲೆರು.
ಸುತ್ತಲಾ ಕರಿಯ ಕತ್ತಲೆ ಕಾಡುದ ಮದ್ಯೆ ಅಸರೆಯಾದ್ ಅಹ ಪೊರ್ತುಡು
ಮಿತ್ತ್ ತೊಜಿನ,ನಮಕ್ ಬೊಳ್ಪು ಕೊರ್ನ ಸೂರ್ಯ ಚಂದ್ರೆರೆನ್ ಬೊಕ್ಕ ಈ ಮಣ್ಣುಡು ಬದುಕ್ಯರ,ಜೀವನ ಪೊರುಂಬಟಗು ನೆಲೆ ಕೊರ್ನ ಅಪ್ಪೆನ ಋಣ ತೀರಯರ ಅವಂದಿನ ಭೂಮಿಅಪ್ಪೆನ್ ದೇವೆರೆನ ಜಾಗುಡು ದೀದ್ ತೂಯೆರುಂಡ,ಪ್ರಕೃತಿದ ನಡುಟ್ ನಮ ಒಟ್ಟುಡಿಪ್ಪುನ ಕೆಲವೊಂಜಿ ಕಾಡುದ ಉಪಕಾರಿ ಜೀವಿಲೆನ್ ಬೊಕ್ಕ ಅಪಾಯಕಾರಿ ಜೀವಿಲೆನುಲಾ ಭಯಭಕ್ತಿದ ನಂಬಿಕೆದ ಮಿತ್ತು ಅಗೊಚರ ಶಕ್ತಿ ಪಂಡುದ್ ಬೂತೊಲೆನ ಬೊಕ್ಕ ದೈವೊಲೆನ ಜಾಗುಡು ತೂಯೆರ್.
ಮೂಲು ಬೂತೊಲು ಪಂಡ ಒಂಜಿ ಕಾರ್ನಿಕದ ಅಗೊಚರ ಶಕ್ತಿ,ಅಲೌಕಿಕ ಶಕ್ತಿ ಪಂಡುದು,ಅಂಚನೆ
ಅರಾಧನ ಪದ್ದತಿಡು ಬಾರಿ ವ್ಯತ್ಯಾಸ ಬೊಕ್ಕ ಅಹ ಪೊರ್ತುಡು ತುಳುವೆರೆಗ್ ವೈದಿಕ ದೇವೆರೆನ ಬಗ್ಗೆ ಅತ್ ಮಲ್ಲ ದಾಲ ಪರಿಕಲ್ಪನೆ ಇಜ್ಜಂದಿನೆರ್ದವರ ನೆಕ್ಕ್ ವೈಧಿಕ
ದೇವೆರು ಪನ್ಪಿ ಸ್ಥಾನ ಇಜ್ಜಂಡು.ದೇವಿ ದೇವತಳೆಗು ಹೋಲಿಕೆಲಾ ಇಜ್ಜಂಡು.ಅಂಚದ್
ಮೂಲ್ ನಂಬಿನ ಸತ್ಯೊಲೆನ್,ಶಕ್ತಿಲೆನ್
ಅಯಿರ್ದುಲಾ ಮಿತ್ತುದ ಸ್ಥಾನಡು ಪಂಡ
ಯೆಂಕ್ಲೆಗ್ ಮುಕ್ಲೆ ಮಲ್ಲ ದೇವೆರೆಲಾ ಬೊಕ್ಕ ಮಾತಲಾ,ಯೆಂಕ್ಲೆನ ಸರ್ವಲಾ ಪಂಡುದ್ ಮಾಯಲೊಲೆನ, ಅಗೊಚರ ಶಕ್ತಿ,ಕಾರ್ನಿಕದ ಸ್ಥಾನ ಪಂಡುದ್ ಬೂತೊಲೆನ ಸ್ಥಾನ ಕೊರಿಯೆರ್.ಅಯಿತ ಬಳುವಳಿ ಪಂಡ ಇನಿ ವೈಧಿಕ ದೇವೆರೆಗು ತುಳುನಾಡುಡು ಮಿತ್ತ ಸ್ಥಾನ ಕೊರ್ತೆರುಂಡಲಾ, ತುಳುವೆರ್ ಇನಿಕುಲಾ ದೈವ ದೇವೆರ್ ಪಂಡುದ್ ದೈವೊನು ಸುರುತ್ತ ಸ್ಥಾನಡು ದೀತೆರ್.ನೆಟ್ಟ್ ದೈವ ಪನ್ಪಿ ಪದಲಾ ಬೊಕ್ಕ ಬತ್ತಿನಿ ಅದಿಪ್ಪೊಡು.
ಅಂಚನೆ ಪಿರಾಕುರ್ದೆ ಹಿರಿಯಾಕ್ಲೆಗ್ ಗೌರವ ಕೊರ್ಪಿನ ಸಂಪ್ರದಾಯ ದಿಂಜಿನ ತುಳುವೆರೆಡು
ಅಯಿಟ್ ಕೆಲವೊಂಜಿ ಅಸಾಮಾನ್ಯ ಸಾಹಸ ಮಲ್ತಿನಕ್ಲ್,ಘನಕಾರ್ಯ ಮಲ್ತಿನಕ್ಲ್,ಯೆಡ್ಡೆ ಬೆಲೆ ಮಲ್ತಿನ ಕೆಲವೊಂಜಿ ನರಮಾನ್ಯೆರುಲಾ ಅಹ ಸಾಲುಡೆ ಸೇರೊನ್ಯೆರು.
ಅಂಡ ಮುಕ್ಲ್ ಮಲ್ತಿನ ಕಾರ್ಯನು,ಮುಕ್ಲೆನ ಸಾಹಸ ಬೀರನು ಬರೆದ್ ದೀಯರ ನಮ್ಮಕ್ಲ್ ಅಹ ಪೊರ್ತುಡು ವಿದ್ಯೆಗ್ ಪ್ರಾಮುಖ್ಯತೆ ಕೊರಂದಿನೆರ್ದವರ ಬಾಯಿರ್ದ್ ಬಾಯಿಗ್ ಪದ್ಯ ಗದ್ಯ
ರೂಪಕದ ಜಾನಪದ ಬೀರ ಪಾರ್ದನಡೆ ಪೊಯಿನೆರ್ದವರ, ನಮ್ಮಕ್ಲೆಗ್ ಅವು ಅಂಚನೆ ಕಂಡೊದ ಸಾಗೊಲಿದಲ್ಲ್,ಬೆನ್ನಿ ಬೇಸಾಯದ ಬೆಲೆದಲ್ಪ ಹಿರಿಯಾಕ್ಲೆರ್ದ್ ಬಳುವಳಿ ಅದು ಬತ್ತುಂಡು.
ಇಂಚ ತುಳುವೆರ್ ಒಂಜಿ ಕೂಡುಕಟ್ಟುಡ್ ಇಪ್ಪುನಗ ಬಡಕಾಯಿ ಮೈಯಿರ್ದ್ ಬ್ರಾಹ್ಮಣ ಜನಾಂಗದ ಪರಿಚಯ ಬೊಕ್ಕ ಕಡಲುದ ಮೂಲಕ ಅರಬ್ಬೆರುನ,ಪೊರ್ಚುಗೀಸೆರೆನ,ಬ್ರಿಟಿಷೆರುನ ಪರಿಚಯ ತೆಂಕಾಯಿ ಮಲಬಾರುದ ಮೂಲಕ ಅಂಡು.ಅಂಚದ್ ಸಾಂಬಾರ ಸೆರ್ದ್ ಕೆಲವೊಂಜಿ ನಮ್ಮ ಅಗತ್ಯದ ಪದಾರ್ಥಲು ಅಕ್ಲೆರ್ದ್ ಬಳುವಳಿ ಅದ್ ಬತ್ತುಂಡುಂದು ಪನೊಲಿ.ಇಂಚ ನಮ್ಮೆರ್ದುಲಾ ಅಕ್ಲೆಗು ಕೆಲವೊಂಜಿ ವಸ್ತುಲೆನ ಕೊಂಡುಕೊಳ್ಳುವಿಕೆದ ಒಂಜಿ ಕೂಡುಕಟ್ಟುದ ಜೀವನ ತುಳುವೆರ್ನ ಅಹ ಕಾಲೊಡು ಅದಿಪ್ಪೊಡು.
ತುಳುವೆರ್ ಪ್ರಕೃತಿ ಅರಾಧಕೆರು ಪನ್ಪುನೆಟು ವೊವ್ವೆ ಸಂಶಯ ಇಜ್ಜಿ.ಅಯಿಟುಲಾ ಸೂರ್ಯ ಚಂದ್ರೆರೆನು ಪ್ರಧಾನವಾದು ನಂಬಿನಕ್ಲ್.
ಈ ಭೂಮಿದ ಮಣ್ಣುದ ಕಲ್ಲ್ ಮಣ್ಣುರ್ದ್ ಪತ್ತುದ್ ಮುರ್ಗ ಪಕ್ಕಿಲೆನ್ ಅರಾಧನೆ ಮಲ್ತಿನಕ್ಲ್, ಅಯಿನೊಟ್ಟುಗ್ ತನ್ನ ಹಿರಿಯಾಕ್ಲೆನು ಗೌರವ ಸ್ಥಾನೊಡು ದೀಡಿನಕ್ಲ್.
ಅಂಚದ್ ಕೆಲವೊಂಜಿ ಅಸಾಮಾನ್ಯ ಪುರುಷೆರೆನ್ ಅಹ ಕಾಲೊಡು ಅಕ್ಲೆಗ್ ದೈವೊದ ಸ್ಥಾನ ಕೊರ್ದು ನಂಬ್ಯೆರ್.ಉಂದು ನಂಬಿಕೆದ ಮಿತ್ತು ಉಂತುನವು.ವೊಡೆ ಮುಟ್ಟ ಪಂಡ ಒಂಜಿ ಅಕಾರ ಇಜ್ಜಂದಿನ ಯಾ ಅಕಾರ ಇತ್ತುನಂಡಲಾ ಅಯಿಕ್ ನಾಲ್ ಜನ ಕೆಪುಳ ಪೂರ್ಪ ಪಾಡುದ್ ಕೈ ಮುಗಿಯೆರುಂಡ,ಅಹ ಕಲ್ಲುಗ್ ತನ್ನತೆಗೆ ಕಾರ್ನಿಕ ದಿಂಜೊಂದು ಬರ್ಪೆದುಂಡು.ಇಂಚಿನ ನಂಬಿಕೆಡು ಶುರುಕ್ಕ್ ತೊಜುನಾರ್ ಅಧಿ ಬಿರ್ಮೆರ್.ಈ ಬಿರ್ಮೆರ್ ಪಂಡ ಬಿರು ಪಗರಿ ಒಂಜಿ ಕೈಟ್ ಪತ್ಯೆರುಂಡ ನನೊಂಜಿ ಕೈಟ್ ಸುರಿಯ ಪತ್ತಿನರು.ಅಹ ವಿಚಾರ ತೂಂಡ ತುಳುನಾಡುಗ್ ಶುರು ಪ್ರವೇಶ ಮಲ್ತಿನರ್ ಬೊಕ್ಕ ತನ್ನ ಜೊತೆಟ್ಟು ಜನದಂಡು ಪತೊಂದು ಘಟ್ಟ ಜತ್ತುದು ಬತ್ತಿನರ್,ಈ ಮಣ್ಣುದ ಕಾಡುನು ಕಡ್ತುದು ನಾಡು ಮಲ್ಪದ್ ಜನಕ್ಲೆಗ್ ಜೀವನದ ಪಾಠ ಪಂಡುದು ಕೊರಿನರು ಬಿರ್ಮೆರ್ ಅದಿಪ್ಪೊಡು. ಅಂಚದ್ ಅರೆನ ಕಾಲ ಮುಗಿದು ಪೊಯಿ ಬೊಕ್ಕ ಅರೆನುಲಾ ಮೂಲು ಗೌರವಸ್ಥಾನಡು ಅರಾಧನೆ ಮಲ್ದೆರ್ ಅದಿಪ್ಪು.ಇತ್ತೆಲಾ ಬಿರ್ಮೆರೆನ್ ಅಧಿದೈವ ಪಂಡುದೆ ಪನ್ಪೆರ್.ಕ್ರಮೆಣಡು ಅರೆನ್ ಮಿತ್ತಸ್ಥಾನಡು(ದೇವೆರೆನ) ಕುಲ್ಲಯೆರ್,ಅಂಡಲಾ ಪಿರಾಕುದ ಪಳೆಯುಳಿಕೆಯಾದ್ ಮೂಡಾಯಿ ತೆಂಕಾಯಿ ಮರ್ಗಿಲುಡು ಅರೆಗು ಇತ್ತೆಲಾ ಕೊಲ ಅಪುಂಡು,ತಂಬಿಲ ನಡಪುಂಡು.
ಅಹ ಕಾಲೊಡು
ಸದಾ ಕಾಡಬರಿಟ್ಟ್ ಕಾಡತ್ಪತ್ತಿದೊಟ್ಟು,ಕಾಡಮರ್ದ್,ಕಾಡಮುರ್ಗೊಲೆನ ಪತ್ತುದ್,ಬೊಂಟೆ ಮಲ್ತುದ್ ಜೀವನೊಪಯ ಮಲ್ಪುನ ಜನಾಂಗಲೂ ಇತ್ತಿನೆರ್ದವರ,
ಅಹ ಪೊರ್ತುಡು ಅಕ್ಲ್ ನಂಬಿನ ಬಿರ್ಮೆರೆನ ನೆಲೆ ಕಾಡ ಬರಿಟ್ಟ್ ಅಯಿಟ್ಲ ಸುದೆತ್ತ ಬರಿಟ್ಟ್,ಜೀವನೊಪಾಯಗು ಬೊಡಯಿನ ನೀರುದ ಬರಿಟ್ಟ್ ಅದಿತ್ತುಂಡು.
ಅಯಿಕ್ ನಿದರ್ಶನ ಇತ್ತೆಲಾ ತೂವೊಲಿ,ನಡುವಲ್ಲ್ ದ ಬಿರ್ಮೆರೆ ತಾಣ,ಕುಕ್ಕೆದ ಬಿರ್ಮೆರ್,ನಂದೊಳಿಗೆ ಬಿರ್ಮೆರ್,ಮಾರಣಕಟ್ಟೆದ ಬಿರ್ಮೆರ್
ಇಂಚ ಕೆಲವು ಮಲ್ಲ ಮಲ್ಲ ಬಿರ್ಮೆರೆನ ನೆಲೆ ಉಂಡು.ಉಂದು ಪೂರ ಒಂಜಿ ಪೊರ್ತುಡು ಕಾಡು ಪ್ರದೇಶಲೆ ಅದಿತ್ತುನವು.
ಅಂಚನೆ ಬಿರ್ಮೆರೆನ ಸಂಧಿಡುಲಾ ಸಾರಮನಿ ದೈವೊಲೆನ್ ಲೆತೊಂದು ಬಿರ್ಮೆರ್ ಘಟ್ಟ ಜತ್ತುದ್ ಬರ್ಪಿನವೆ ವಿಚಾರ ನಮಕ್ ತಿಕುಂಡು ಅಂಚದ್ ಮುಲ್ತ ಅದಿ ಜನಾಂಗ ವೊವ್ವ ಒಂಜಿ ಮರ್ಗಿಲುರ್ದ್ ಘಟ್ಟ ಜತ್ತುದ್ ತುಳುನಾಡುಗ್ ಬತ್ತುದ್ ಕಾಡುನು ನಾಡು ಮಲ್ತಿನಂದೆ ಪನೊಲಿ.ಅಕ್ಲೆನ ಮೂಲ ನಾಯಕೆನೆ ಬಿರ್ಮೆರ್(ಬಿರು ಪಗರಿ ಪತೊಂದು ಇಪ್ಪಿನರ್)ಅದಿಪ್ಪೊಡು ಪಂಡುದ್ ಯೆನ್ನ ಅಭಿಪ್ರಾಯ.
ಇಜಿಂದು ಅಂಡ ಒಂಜಿ ವೇಳೆ ಅರ್ ಬೊಕ್ಕ ಪಿದಾಯಿರ್ದ್ ಬತ್ತಿನ ಒರಿ ಅರಸೆ ಸ್ಥಾನದ ಬಿರ್ಮೆರೆನು ಮುಲ್ತ ಮೂಲ ತುಳುವೆರ್ ಅತ್ ಪೂಜಾನೆದ ಭಾವನೆಡು ತೂವೊಡು ಪಂಡ ಅಯಿತ ಪಿರಾವುಡು ಭಾರಿ ಮಲ್ಲ ಕಥೆಲಾ ಇಪ್ಪೊಡು.ಅರ್ ಮುಲ್ತ ಮೂಲ ತುಳುವೆರೆಗ್ ಭಾರಿ ಮಲ್ಲ ಪರೊಪಕಾರ ಮಲ್ತಿಪ್ಪೊಡು.ಅಯಿನ್ ಬೊಕ್ಕ ಅರೆನ ಉಪಕಾರ ನೆನಪಿನ ಸಾತುಗ್ ತುಳುವೆರ್ ಅರೆನ್ ಅರಾಧನೆ ಮಲ್ತೆರ್ ಅದಿಪ್ಪು.ದಾಯೆ ಪಂಡ ಯುದ್ದ ವಿದ್ಯೆ ಕೊರೊಂದು ಇತ್ತಿನ ಗರೊಡಿಡುಲಾ ಬಿರ್ಮೆರ್ ಉಲ್ಲೆರ್(ಅಂಡ ಅಲ್ಪ ಅರೆನ ಕಥೆಟ್ ಒಂತೆ ಬದಲಾವಣೆ ಉಂಡು)ಸತ್ಯ ಸಿರಿಕುಲು ಇಪ್ಪುನ ದುಂಬುದ ಅಲಡೆಡುಲಾ ಬಿರ್ಮೆರ್ ಉಲ್ಲೆರ್.ಪ್ರತಿ ಇಲ್ಲ ಇಲ್ಲದ ನಾಗನ ಬನಟ್ಟುಲಾ ಬಿರ್ಮೆರ್ ಉಲ್ಲೆರ್.ಒಂಟಿಯಾದುಲಾ ಕೆಲವು ಕಡೆಟ್ ಮರಕಾಡುಲು ಇಪ್ಪುನ ಜಾಗೆಡು ಬಿರ್ಮೆರ್ ಖಾಲಿ ರೂಪ ಇಜ್ಜಂದಿನ ಕಾಟ್ ಕಲ್ಲುಡು ಉಲ್ಲೆರ್.ಅಂಚದ್ ಬಿರ್ಮೆರ್ ಈ ತುಳುನಾಡುಡ್ ಬಾರಿ ಪುದರ್ ದೆತ್ತಿನರ್ ಅಂತೂ ಸತ್ಯ.
ಅಯಿರ್ದ್ ಬೊಕ್ಕದ ವಿಚಾರ ತೂಪುನಂಡ ಕಾಲಕ್ರಮೇಣಡು ಬಂಗಾಡಿದ ಬರಿಟ್ಟ್ ಬಂಗಾಡಿ ಬೂಡು ಬೊಕ್ಕ ಕುಕ್ಕೆದ ಬರಿಟ್ಟ್ ಸುಬ್ರಾಯನ ನೆಲೆ(ಪಿರಾಕುಡು ಕುಕ್ಕೆ ಲಿಂಗ ಪನ್ಪೆರ್)
ಅಯಿಬೊಕ್ಕ ಘಟ್ಟದ ಮಿತ್ತುದ ಸಂಪರ್ಕ ಬೊಕ್ಕ ಕಾಡ ಉಲಾಯಿದ ಸಾದಿಲು ಬೊಕ್ಕಲಾ ಸರಾಗವಾದ್ ನಿರ್ಮಾಣ ಅಂಡುಂದು ಪನೊಲಿ.ಅಂಚನೆ ಬಾರ್ಕೂರು ದ ಬಾರಿಟ್ಟ್ ಬಾರ್ಕೂರು ಅರಮನೆ,ಕುಂಬ್ಲೆಡು ಕುಂಬಳೆದ ಅರಸೆರ್ನ ಅರಮನೆ ಸೆರ್ದ್ ಕೆಲವೊಂಜಿ ಬೂಡು,ಅರಮನೆಲು ಜೈನರಸೆರ್ ಬತ್ತುದ್ ನಿರ್ಮಾಣ ಅಂಡು.ನೆಕ್ಕ್ ಪುಷ್ಟಿಯಾದ್ ನಮಕ್ ತೆರಿಯುನ ಕೆಲವೊಂಜಿ ಅರಸು ದೈವೊಲೆನ ತುಳುನಾಡುಗು ಪ್ರವೇಶ ಅಪಿನ.ಅಂಡ ನಮ್ಮಕುಲ್ ಪಿರಾಕುರ್ದೆ ನಂಬೊಂದು ಬೈದಿನ ಪಂಜುರ್ಲಿನ ಪಿರಾಕುದ ಸಂದಿಡು ಪಂಜಿಲು ವೇಲೂರ ಬೂಡುನು ತೊಜವ ಪಂಡ ಇತ್ತೆದ ಬೇಲೂರು ನಗರ. ಈ ಪಟ್ಟಣ ಬಾರಿ ಪಿರಾಕುದವು ಅಂಚನೆ ತುಳುನಾಡುಗು ಬೊಕ್ಕ ಅಹ ಪಟ್ಟಣಗು ಅಹ ಪೊರ್ತುಡೆ ಘಟ್ಟದ ಮಿತ್ತುದ ಸಂಪರ್ಕ ಕುಕ್ಕೆದ ಘಾಟಿಡು ಇತ್ತುಂಡು ಪಂಡುದ್ ಪನೊಲಿ.ಬೇಲೂರುಡು ಚೆನ್ನಕೆಶವನ ದೇವಸ್ಥಾನ ಬಾರಿ ಪಿರಾಕುದ ಅಂಚದ್ ನೆತ್ತ ಬಗ್ಗೆ ನನತ್ ವಿಮರ್ಶೆ ಅವೊಡು.ದಾಯೆ ಪಂಡ ಪಂಜುರ್ಲಿನ ಸಂಧಿಡುಲಾ ಬಿರ್ಮಣ ಬಾರ್ಯೆ ಬಲ್ಲಾಲೆ ಬರ್ಪೆ ಅಂಚದ್,ಜೈನರಸೆರ್ ವಾ ಕಾಲೊಡು ಸರಿಯಾದ್ ತುಳುನಾಡುಗ್ ಬೈದೆರ್ ಪನ್ಪುನವು ಮಾಹಿತಿ ತಿಕುಜಿ.
ಅವು ವೊವ್ವೆ ಇಪ್ಪಡು ಅಯಿರ್ದುಲಾ ದುಂಬುಗು ಪೊಂಡ ತುಳುನಾಡುಡ್ ಅಹ ಪೊರ್ತುಡೆ ಒಂಜಿ ಸ್ವತಂತ್ರಯಿನ ರಾಜ್ಯ ಪಂಡುದ್ ಪನೊಲಿ.ಕೆಲವೆರ್ನ ಪ್ರಕಾರ ಪರಶುರಾಮನ ಕುಡರಿ ಅತ್ತ್ ,ಈ ತುಳುವ ಮಣ್ಣುಡು ಒಂಜಿ ಪೊರ್ತುಡು ಕಾಡೆ ದಿಂಜಿದ್ ಇತ್ತಿನಿ,ಅಂಚ ಉತ್ತರರ್ದ್,ಇಜಿಂಡ ದಕ್ಷಿಣರ್ದ್ ಇಜಿಂಡ ಘಟ್ಟದ ಮಿತ್ತುರ್ದ್ ಬತ್ತಿನ ಕೆಲವೊಂಜಿ ಜನಾಂಗ ಮೂಲು ಬತ್ತುದ್ ಕಾಡು ಕಡ್ತುದ್ ಕಂಡ ಮಲ್ತುದ್ ಕುಡು ಅರಿ ಬಿತ್ತುದ್(ಮೂಲ್ ಅರಿ ಪಂಡ ಬಾರ್ ದ ಅರಿಂದೆ ಅತ್ತ್,ಸಾಲೆ ಪಂಡ ಪದೆಂಗಿಸಲೆ,ಉರ್ದುಸಲೆ, ತೊಗರಿಸಲೆ ಇಂಚನೆ ಕೆಲವೊಂಜಿ ದ್ಯಾನೊಲೆನ್ ಸಾಲೆಂದು ಪಂಡೆರುಂಡ ಕುಡುನು,ಬೆದುರುದ ಬೀಜನ್ ಅರಿಕ್ಕ್ ವೊಲಿಸವೆರ್)ಮಲ್ತಿನ ನಾಡು ಪಂಡುದ್.ಅಂಚದ್ ಕುಡು ಅರಿ ಬಿತ್ತುದ್ ಜೀವನ ದೆತ್ತುನ ನಾಡು ಪಂಡುದ್ ಅಭಿಪ್ರಾಯನು ಪನ್ಪೆರ್.
ಅದಗ ಕಾಡ ಬರಿಟ್ಟ್ ಜೀವನ ದೆಪ್ಯರ ಬಿರು ಪಗರಿ ಬಳಕೆ ಮಮೂಲಿ,ಅಯಿತ ಅಣಕು ಇತ್ತೆಲಾ ದೈವರಾಧನೆಡು ನಮ ತೂವೊಲಿ.ನನ ಮರ್ದ್ ಮಾಯ ಪೂರ ಕಾಡುದವೆ ಆಯುರ್ವೇದದ ಮೂಲಕ ತುಳುವೆರೆಗ್, ಸರ್ವ ಸೊತ್ತುಲಾ ಮೂಲೆ ಇತ್ತುದ್ ಪೊರ್ಲ ಜೀವನ ದೆತ್ತೊಂದು ಇತ್ತಿನಕ್ಲ್ ದುಂಬುದ ತುಳುವೆರ್.ಒಲು ಒಂಜಿ ಸಂಸ್ಕಾರದ ಜೀವನ ಶುರು ಅಪುಂಡ ಅಲ್ಪ ಸಂಸ್ಕ್ರತಿದ ಅನಾವರಣ ಅಯಿನತೆಗೆ ಶುರು ಅಪುನ ಲೋಕ ನಿಯಮ.
ನಾಗೆ ತಂಪು ಜಾಗುಡು ಇಪ್ಪುನ ಸರಿಸೃಪ,ಅಯಿತ ಬಗ್ಗೆ ನಮಕ್ ಪೊಡಿಗೆಲಾ ಜಾಸ್ತಿ. ಕಾಟಿ,ಕಾಡೆರ್ಮೆ,ಕಾಡಪಂಜಿಲು ಕಾಡುಡ್ ಯೆತುಲಾ ಇತ್ತಿನ ಪೊರ್ತು ಅದಿತ್ತುದು ಅಹ ಕಾಲೊಡು. ಊರ ಮಾನಿಲು ಸಂಸ್ಕ್ರತಿ ಬೊಳೆಪವೊಂದು, ಸಮನ್ವಯ ಜೀವನಡು ಇತ್ತುದ್,ಅಕ್ಲ್ ಮಲ್ತೊಂದು ಇತ್ತಿನ ಬೆನ್ನಿ ಬೇಸಾಯ, ಕಂಡ ಸಾಗೊಲಿಗು ಅಹ ಪೊರ್ತುಡು ಈ ಮುರ್ಗಲೆನ ದಾಳಿ ಮಾಮೂಲಿ ಬೊಕ್ಕ ಸಹಜ ವಿಚಾರ. ಅಂಚದ್ ತುಳುವೆರ್ ಕಾಡ ಬರಿಟ್ಟ್ ಇತ್ತಿನೆರ್ದವರ ಕಾಡ್,ದೈಯಿ,ಮುರ್ಗ ಪಕ್ಕಿಲೆನ್,ಮರಕ್ಕುಲೆನ್ ಬಾರಿ ಮುಟ್ಟ ತೂವೊಂದು ಇತ್ತಿನೆರ್ದವರ ಅಯಿತ ಮಿತ್ತ್ ಪ್ರೀತಿ,ಭಯ,ಭಕ್ತಿ ಸಾಮಾನ್ಯವಾದ್ ಬರ್ಪುಂಡು.ಪ್ರಕೃತಿನು ಅರಾಧನೆ ಮಲ್ತಿನಕ್ಲ್,ಅಯಿನೊಟ್ಟುಗ್ ಪ್ರಕೃತಿದ ಜೀವಿಲೆನುಲಾ ಪೊಡಿಗೆಡು ಬೊಕ್ಕ ಭಕ್ತಿಡು ಅರಾಧನೆ ಮಲ್ದೆರ್.
ಅಂಚದ್ ಕೆಲವೊಂಜಿ ಮುರ್ಗೊಲೆನ ಉಪದ್ರ ತಡೆಯರ ತೀರಂದೆ ಅಯಿನ್ ಮರತ್ತ ಅಡಿಟ್ಟ್ ಕಲ್ಲ್ ಪಾಡುದ್,ಕಾಡಪುರ್ಪ,ತೊಡನೀರು ದೀದ್ ನಂಬ್ಯರ ಶುರು ಮಲ್ತೆರ್.ಅದಾಗನೆ ಅಯಿಕ್ಲ ಒಂಜಿ ಜಾನಪದಿಯವಾದ್ ಕಥೆನು ಕಟ್ಯೆರು. ಅಂಚನೆ ಅಯಿನ್ ಜಾನಪದ ಪಾರ್ದನದ ಮುಖಾಂತರ ಊರು ಊರುಗು ಪ್ರಚಾರಡು ಕೊನೆತೆರ್.ಅಂಡ ಅದಾಗ ಊರುರ್ದ್ ಊರುಗು ಬಾರಿ ಅಂತರ ಇತ್ತಿನೆರ್ದವರ ಕಥೆಟುಲಾ ಒಂತೊಂತೆ ಬದಲಾವಣೆ ತೊಜೊಂದು ಬತ್ತ.
ಇಂಚನೆ ನಂಬುನವು ಕ್ರಮೆಣಡು ಬೇತೆ ಬೇತೆ ಸ್ವರೂಪಲಾ ಪಡೆಯೊಂದು ಬತ್ತುಂಡು.
ನಾಗನ ಉಪದ್ರ ಬರಿಯರ ಬಲ್ಲಿಂದು ನಾಗನ್ ಕಲ್ಲ್ ಪಾಡುದ್ ನಂಬ್ಯೆರ್,(ನೆಟ್ಟ್ ರಾಶಿ ಕಲ್ಲ್ ಬೈದಿನಿ ಬೊಕ್ಕ,ದುಂಬು ಕುಟುಂಬರ್ದ್ ದೂರೊಡು ಇತ್ತಿನಕ್ಲ್,ಪೆರ್ ಮೈಪರ ಕುಟುಂಬದ ಇಲ್ಲಗ್ ಬರಿಯಾರ ಅವಂದೆ,ರಡ್ಡ್ ಮೂಜಿ ವರ್ಷ ಕರಿದು ಬನ್ನಗ ಜಾತೆಟ್ಟೆ ಒಂಜಿ ನಾಗನ ಕಲ್ಲ್ ನು ಪತೊಂದು ಬತ್ತುದ್,ಬರಂದುನ ತಪ್ಪುಗು ಮಾಪು ಅದು ದೀದ್ ಪೆರ್ ಮೈತು ಪೊಪೆದೆರುಗೆ.)
ಕಾಡ ಕಾಟಿ,ಗೊಣೆರೆನ ಉಪದ್ರ ತಡೆಯರಗದ್ ಮೈಸಾಂದಯ,ನಂದಿಗೊಣನು, ನೀರುಡು ಮುದಲೆ,ನಿಗರುದ ಉಪದ್ರ ಬರಿಯರ ಬಲ್ಲಿಂದು ಅಯಿನ್ ತಡೆಯರ ಲೆಕ್ಕೆಸಿರಿನ್ ಬೊಕ್ಕ ಮುದಲೆಕಲ್ಲ್ ಪಾಡುದ್ ನಂಬ್ಯೆರ್.ಪಂಜಿದ ಉಪದ್ರ ತಡೆಪುನ ನಂಬಿಕೆಡು ಪಂಜುರ್ಲಿನು ನಂಬ್ಯೆರ್.
ಅಂಚ ಕೆಲವೊಂಜಿ ನಂಬಿಕೆನ್ ಪತೊಂದು,ಅವೈದಿಕ ಕ್ರಮೊಟ್ಟು ಮಲ್ತೊಂದು, ಅಯಿನ್ ಪಾಲ್ತೊಂದು ಅಯಿಟುಲಾ ತನ್ನ "ನಂಬಿಕೆ"ನು ದುಂಬು ದೀವೊಂದು ಜೀವನ ದೆತ್ತೊಂದು ಬತ್ತಿನಕ್ಲ್ ಮುಲ್ತ ತುಳುವೆರ್.
ಅಯಿಟುಲಾ ಉಂದು ಪೂರ ಬನ ಪಂಡ ಕಾಡುಡೆ ನಂಬಿನ ಬೂತೊಲು.
ಸಾಮಾನ್ಯವಾದ್ ಯೆನ್ನ ಪ್ರಕಾರ ತುಳುನಾಡುಡು ಜೈನ ಅರಸೆರ್ನ ಪ್ರವೇಶ ಅಯಿ ಬೊಕ್ಕ ಮೂಲ್ ಒಂಜಿ ಸಾಮಾಜಿಕ ಬೊಕ್ಕ ರಾಜಕೀಯ ಅಡಳಿತ ಚೌಕಟ್ಟುದ ಜೀವನ ಪದ್ದತಿ ಶುರು ಅಯಿನ ಪಂಡುದ್ ತೊಜುಂಡು.(ಅಂಚನೆ ಕಾಡುಡಿತ್ತಿನ ದೈವೊಲೆನ್ ಬೊಕ್ಕಲಾ ವಿಶೆಷ ನಂಬುಗೆಡ್ ಉಲಾಯಿ ಕೊನತೆರ್,ಅಯಿಟ್ ಮೈಸಾಂದಯೆಲಾ ಒಂಜಿ,ಗುತ್ತು ಬೂಡುಲೆಡ್ ಕಂಬುಲಗ್ ಪಿದಾಡುನೆಕ್ ದುಂಬು ಮೈಸಾಂದಯಗ್ ತಂಬಿಲ ಕರ್ಪುವೆರ್)
ನಮ ಒಂತೆ ದುಂಬುದ ವಿಚಾರಗು ಪೊಂಡ
ದುಂಬು ಮೂಲ್ ಕೆಲವೊಂಜಿ ಲೆಕ್ಕೊದ ಬಾರೀಕೆದ ಇಲ್ಲುಡು ಅಪ್ಪೆನೆ ಹಿರಿಯಮಂತಿ ಪನ್ಪಿ ಅಪ್ಪೆ ಸಂಸಾರದ ಜೀವನ(ಮಾತೃಮೂಲಿನ) ನಡತೊಂದು ಇತ್ತುಂಡು ಪಂಡುದ್ ಪನೊಲಿ.ಅದಗ ಗುತ್ತು ಪನ್ಪುನವು ಇಪ್ಪುನ ವಿಚಾರ ಒಂತೆ ಕಮ್ಮಿಂದು ತೊಜುಂಡು. ಸ್ವಂತಸ್ಥಿಕೆದ ಬಾರೀಕೆದ ಇಲ್ಲುಲ್ ಪಂಡ ಒಂಜಿ ಇಲ್ಲಡು ಅಪ್ಪೆನೆ ಮುಖ್ಯ , ಅಲೆನ ಮಗೆ ಅಹ ಇಲ್ಲದ, ಬೆನ್ನಿದ ಜವಾಬ್ದಾರಿ ತೂವೊಂದು ಇಪ್ಪೆದುನ.ಅಹ ಅಪ್ಪೆನ ಮದ್ಮೆ ಅಯಿನ ಮಗಳ್ ಬೊಕ್ಕ ಮಗಳೆನ ಜೊಕ್ಲ್ ಪೂರ ಅಹ ಇಲ್ಲಡೆ ಬೆನ್ನಿ ಬೇಸಾಯಡು ಜೀವನ ಕಳೆಯೊಂದು ಇತ್ತಿನ.ವೊಡೆ ಮುಟ್ಟ ಪಂಡ ಅಹ ಪೊಂಜೊವುನ ಮಗಳೆನ ಕಂಡನಿ ಅ ಮಾಮಿನ ಇಲ್ಲಡೆ ಬತ್ತುದ್ ಇತ್ತುದ್ ಬೆನ್ನಿದ ಬೆಲೆ ಬೆಂದೊಂದು ಇತ್ತಿನಿ.
ಸರ್ವ ಕಾರ್ಯಲಾ ಅಹ ಇಲ್ಲಡೆ ನಡತೊಂದು ಇತ್ತುಂಡು.ವಿದ್ಯೆ ಇಜ್ಜಿಂಡಲಾ ಅಚಾರ ವಿಚಾರಗು,ಕ್ರಮ ಕಟ್ಟಲೆಗು,ಪರ್ಬ ಗೌಜಿಲೆಗ್,ಮದ್ಮೆ ಗರ್ದುಲೆಗ್ ಅಲ್ಪ ಕೊರತೆ ಇಜ್ಜಂಡು.ಏಳ್ ದಿನೊತ್ತ ಮದ್ಮೆಲಾ ನಡತೊಂದು ಇತ್ತಿನ ಕಾಲಗೆ.
ಇಂಚ ತುಳುವನಾಡುದ ಸಂಪ್ರದಾಯದ ನಡತೊಂದು ಬತ್ತುನವು.ಕ್ರಮೆಣಡು ಕುಟುಂಬಡು ಜನ ಜಾಸ್ತಿ ಅಯಿಲೆಕನೆ,ಕೂಡ ಕೂಡ ಕಾಡುಲೆನ್ ಕಡ್ತುದ್ ಕಂಡಭೂಮಿ ಮಲ್ತುದ್ ಕೆಲವೆರ್ ಕೂಡುಕುಟಂಬರ್ದ್ ಸ್ವತಂತ್ರವಾದ್ ಉಂತ್ಯೆರುಂಡ ನನ ಕೆಲವೆರ್ ಒಕ್ಕೆಲ್ ಗೇಣಿಗು ಕುಲ್ಯೆರ್.ಅದಗ ಈ ಬೊಡಿತುನತ್ ಕಂಡ ಬೆನ್ನಿ ಇತ್ತುನ ಬಾರೀಕೆಲೂ "ಧನಿಒಕ್ಕೆಲು"ದ ಜಾಗೆಡು ಧನಿಯಾದ್ ಪೊದು ಉಂತುಂಡು.ಅಂಡ ಕ್ರಮೆಣಡು ಕೆಲವೊಂಜಿ ಬಾರೀಕೆದ ಇಲ್ಲುಲು ಅಳಿಯಂತ್ರ ಅದು ಪೊಯ.ಅಂಚ ಅಯರ ಕಾರಣ ಬಾರೀಕೆಡು,ನಟ್ಟಿಲುಡು,ಕೂಡುಕುಟುಂಬಡು ತಂಕದ ಜವ್ವನ್ನೆರುನ ಕಾರುಬಾರು ಕಮ್ಮಿ ಅಯಿನಂದು ಪನೊಲಿ.
ನನ ಗುತ್ತುಲು ಪೂರ ಅಯಿರ್ದ್ ಬೊಕ್ಕ ತುಳುನಾಡುಡ್ ತುಂಡರಸೆರ್ನ ಅಡಳಿತ ಬನ್ನಗ ಬೈದಿನವುಂದು ಪನೊಲಿ,ಜೈನರಸೆರೆನ ಸೈನ್ಯದ
ದಂಡುಗ್ ಉಂತುಯಗ್, ಊರುದ ಕಂಡೊಲೆನ ಗೇಣಿ, ತೆರಿಗೆ ಸಂಗ್ರಹಣೆಗು,ಗ್ರಾಮೊಡು ಅಪಿನ ಕಿನ್ಯ ಕಿನ್ಯ ನ್ಯಾಯಲೆನ್ ಸರಿ ಮಲ್ಪರ ಬೊಡದು ಬೊಡಾದು ಕೆಲವೊಂಜಿ ಇಲ್ಲುಲೆಗ್ ಗುತ್ತುದ ಭಾಮ,ನನ ಸೈನಿಕೆರೆಗ್ ಗರೊಡಿ ವಿದ್ಯೆ ಕಲ್ಪವೊಂದು ಇತ್ತಿನಕ್ಲೆಗುಲಾ ಗರೊಡಿದ ಇಲ್ಲದ ಸ್ಥಾನ ಕೊರಿಯೆರ್,ಇಂಚ ಮಾತ.
ಇಂಚನೆ ಇತ್ತಿನ ಕಾಲಘಟ್ಟಡು ಗುತ್ತುಲೆಗ್ ಮಾತ್ರ ತುಂಡರೆಸರುನ ಪ್ರಭಾವ ಜಾಸ್ತಿ ಅಂಡು.ಅದಗ ಬಾರೀಕೆಲೂ ಅಯಿತ ಅಧಿಕಾರ ಕಡಿಮೆ ಅವೊಂದು ಬತ್ತುಂಡು.ಬಾರೀಕೆಡು ಬೂತೊಲು ಬೂತೊಲೆಕೊಟ್ಯಡು ಇತ್ತುಂಡ,
(ಗುತ್ತುಲೆಡು ಬೊಕ್ಕ ಬೂಡುಲೆಡ್ ಶುರುಕ್ಕಾದ್ ದೈವೊಲು ಅರಸು ದೈವರಾಧನೆದೊಟ್ಟು ಸೆರ್ದ್ ಚಾವಡಿದ ಭಾಮೊಗು ಬತ್ತ.)
ನೆಕ್ಕ್ ಉದಾರ್ಮೆ ಅದು ತೂಪುಂಡ ಇತ್ತೆಲಾ ಹೆಚ್ಚಿನ ದೈವೊಲೆನ ಸಂಧಿ ಬಾರೀಕೆರ್ದ್ ಶುರು ಅಪಿನಿ.ಅಂಡ ಅಲ್ಪ ಅವು ಅಧಿಕಾರದ ದೈವ ಬೊಕ್ಕ ಕುಟುಂಬದ ದೈವ ಅಧಿತ್ತುಂಡು ಹೊರತು ಅರಸು ದೈವಂದು ಇಜ್ಜಂಡು.
ತುಳುನಾಡುಡು ತುಂಡರಸೆರೆನ ಕಾಲೊಡು ಗುತ್ತುಲು,ಬೂಡುಲು ಬತ್ತಿಬೊಕ್ಕ ತುಳುನಾಡುಡು
ಅನನ್ಯವಾಯಿನ ಬದಲಾವಣೆ ಬತ್ತುದ್,ಬೂತರಾಧಾನೆ ದೊಟ್ಟು ಅರಸು ದೈವರಾಧನೆ ಸೇರೊಂದು ಬತ್ತುಂಡು ಪನ್ಪುನ ಸ್ಪಷ್ಟವಾಯಿನ ವಿಚಾರ. ಅಂಚನೆ ಕಂಡೊಡು ನಡತೊಂದು ಇತ್ತಿನ ಕುಸಲುದ,ಮನೊರಂಜನೆದ ಎರುಕುಲೆನ್,ಗೊಣೆರೆನ್ ಗಿಡ್ಪುನ ಕಂಬುಲ ದೇವೆರೆನ,ದೈವೊಲೆನ ಪುದರುಡುಲಾ ಅಂಡು,ರೂಢಿಗು ಬತ್ತುಂಡು ಪನೊಲಿ,ಬೊಕ್ಕ ಬೊಕ್ಕ,ನೆಕ್ಕ್ ವಿಶೆಷ ಪ್ರಾಮುಖ್ಯತೆ ತಿಕುಂಡು.ಬಾರೆ ಪಾಡುನ ಕ್ರಮ,ಪೂಕರೆ ಕ್ರಮ,ಕಂಡದಕೊರಿ ಪೂರ ಬಾರಿ ಗರ್ದುಡು ನಡತೊಂದು ಬತ್ತುಂಡು.
ಖುಷಿಕ್ಕ್ ಮಲ್ಪೆದುನ ಕೊರಿದಾಟ ದೈವೊಲೆನ ಉಚ್ಚಯಗುಲಾ ಸೆರುಂಡು.(ಕೊರಿದಾಟ ತಮಿಳುನಾಡು,ಅಂದ್ರಡು, ಪಿದಾಯಿ ದೆಸೊಡುಲಾ ಅಪುಂಡು,ಅಂಡ ತುಳುನಾಡುದತ್ ಮಾನ್ಯತೆ ಅಲ್ಪ ಅಯಿಕ್ ಬೈಜಿ.ಮೂಲ್ ಅಯಿನ್ ದೈವರಾಧನೆದೊಟ್ಟು ಸೇರದೆರ್).
ಅಂಚನೆ ಕೊರಿನ್ ಬೂತರಾಧಾನೆದೊಟ್ಟು ಪ್ರದಾನವಾದ್ ಬಳಕೆ ಮಲ್ದೆರ್.
ಅಟ,ಯಕ್ಷಗಾನ ಪೂರ ಅಹ ಕಾಲೊಡು ವಿಶೆಷ ಮಾನ್ಯತೆ ಪಡೆಂಡು.
ಇತ್ ಪೂರ ಅಂಡಲಾ ನಮ್ಮ ತುಳುನಾಡ ಇತಿಹಾಸನು ಯೆರ್ಲಾ ಒಲುಲಾ ಸರಿಯಾದ್ ದಾಖಲು, ನಮೂದು ಮಲ್ತುದ್ ದೀವಂದಿನ ಮಲ್ಲ ಬೆಜಾರು.ಜೈನರಸೆರ್ನ ಕಾಲೊಡೆ ಕೆಲವೊಂಜಿ ಜನಾಂಗಲೂ ಘಟ್ಟ ಜತ್ತುದ್ ತುಳುನಾಡುಗ್ ಬತ್ತೆರುಂಡ ಕೆಲವೊಂಜಿ ಜನಾಂಗ ಬಡಕಾಯಿ ಪುಡೆರ್ದ್ ಬತ್ತೆರು,ಮೂಕ್ಲೆನ ವೈಧಿಕ ಬೊಕ್ಕ ಅವೈದಿಕ ಸಂಸ್ಕ್ರತಿ ಬೊಕ್ಕ ತುಳುನಾಡ ಅವೈದಿಕ ಸಂಸ್ಕ್ರತಿ ಒಟ್ಟು ಸೆರ್ದ್ ಒಂಜಿ ಶ್ರೀಮಂತ ತುಳುನಾಡ ಸಂಸ್ಕ್ರತಿ ಅತುಂಡು ಪಂಡ ತಪ್ಪವಂದು.ಇನಿ ತುಳುನಾಡ ದೈವರಾಧನೆ ಸೆರ್ದ್ ಮಾತ ಕಾರ್ಯಕ್ರಮಲಾ ಪತ್ತ್ ಪದಿನಾಜಿ ಜನಾಂಗ ಸೆರ್ದ್,ಪತ್ತಿತ್ತೆರ್ ಸೆರ್ದ್ ಮಲ್ಪುವೆರ್ ಪಂಡ ನೆಟ್ಟ್ ಪಿರಾಕುದಕ್ಲೆನ ಸಹಬಾಳ್ವೆ, ಒಗ್ಗಟ್ಟು,ಜೀವನಶೈಲಿ, ಬೊಕ್ಕ ಒರಿಗೊರಿಯಗು ಇತ್ತಿನ ಅನುಬಂಧ,ಅನ್ಯೊನ್ಯತೆ ಪಂಡುದ್ ಪನೊಲಿ.
ಅಹ ಪೊರ್ತುಡು ತುಳುನಾಡುಗ್ ಬತ್ತುನಕ್ಲ್ ಕೂಡ ಸರಾಗವಾದ್ ತುಳು ಕಲ್ತುದ್,ತುಳುಕ್ಕ್ ,ತುಳುನಾಡ ಸಂಸ್ಕ್ರತಿಗು ಒಂಜಿ ಜಾನಪದ
ಮುನ್ನುಡಿ ಬರೆದಿತ್ತೆರ್, ದೈವರಾಧನೆಗುಲಾ ಅಕ್ಲ್ ಒತ್ತು ಕೊರಿಯೆರ್, ಕಂಡ ಸಾಗೊಲಿನು ಬಿರ್ದುಡು ಮಲ್ತೆರ್.ಜಾನಪದ ಪದಕ್ಕುಲು ಪ್ರತಿಯೊಂಜಿ ಬೆಲೆಗು,ಕಾರ್ಯಕ್ರಮಕ್ಕ್,ಬೆನ್ನಿ ಕಾರ್ಯಗುಲಾ ಇತ್ತುಂಡು.
ಅಂಚದ್ ಅಕ್ಲ್ ತುಳುನಾಡ ಮಾತ ಜಾನಪದ ಕ್ಷೇತ್ರಡು ಸೇರಿಗೆಯಾಯೆರು.ತುಳುನಾಡ ಸಂಸ್ಕ್ರತಿನು ಊರೊಲ್ಮೆ ಪಸೆರಿಸಯೆರ್.ಅಂಚದ್
ಜಾನಪದವಾದ್ ತುಳುನಾಡು ಅಹ ಪೊರ್ತುಡು ಒಂಜಿ ರಾಜ್ಯ ಅದಿತ್ತುಂಡು ಪಂಡಲಾ ತಪ್ಪವಂದು.ನಮ್ಮವೆ ಸಂಸ್ಕ್ರತಿ, ನಮ್ಮವೆ ಅಚಾರ ವಿಚಾರ,ನಮ್ಮವೆ ಅವೈದಿಕ ಕ್ರಮೊಕುಲ್,ಅಯಿರ್ದ್ ಬೊಕ್ಕ ಬತ್ತಿನ ವೈದಿಕ ಕ್ರಮಕುಲು ಪೂರಲಾ ಇತ್ತುಂಡು.ಮೂಜಿ ಕಡೆತ್ತ ಭದ್ರ ಕೋಟೆದ ಉಲಾಯಿ ಇತ್ತಿನ ತುಳುನಾಡುಗು ತುಳುಭಾಷೆಗು ಇನಿ ಅತ್ ಮಲ್ಲ ಮಾನ್ಯತೆ ಇಜ್ಜಂದೆ ಅದ್ ಪೊತುಂಡು.ಕಾರಣ ಈತೆ
ಕ್ರಮೆಣಡು ಕನ್ನಡ ಅರಸೆರ್ನ ದಾಳಿ,ತುಳುನಾಡ ಅರಸೆರ್ನ ಒಗ್ಗಟ್ಟುದ ಕೊರತೆ ಅಯಿನೆರ್ತವರ ಕ್ರಮೆಣಡು ತುಳುನಾಡುಡ್ ಕನ್ನಡ ಲಕ್ಕುದು ತೊಜಿಂಡು,ಅವು ಇತ್ತೆ ಮುಟ್ಟಗುಲಾ ನಿರಂತರವಾದು ಅವೊಂದೆ ಬೈದುಂಡು.
ತುಳುಭಾಷೆ ಇಲ್ಲಲೆ ಒರಿದು ಅಪ್ಪೆಭಾಷೆ ಅಂಡು.ವುಂದು ವೊಡೆಮುಟ್ಟಪಂಡ ಪಿರಾಕುಡೆ ತುಳುನಾಡ ತುಂಡು ಅರಸೆರ್ ಒಟ್ಟಾದು ಒಗ್ಗಟ್ಟು ಅದು ತುಳುನಾಡುನು ವೊರಿಪಯರ ಪ್ರಯತ್ನ ಮಲ್ತುಜೆರ್.ಅಖಂಡ
ತುಳುನಾಡುಡು ಒರಿಲಾ ಪ್ರಬಲ ಅರಸೆರಾದು ಉಂತುಜೆರ್. ಪೂರ ತುಂಡರಸೆರ ವೈಮನಸ್ಯ ಅಡಳಿತ.ಒರಿಯನ್ ತೂಂಡ ಒರಿಯಗಾಪುಜಿ ಅಂಚಿನ ಅಡಳಿತ.
ಇಂಚಿಪ ಇಂಚಿಪ ಬತ್ತಿನ ಅರಸೆರ್ನ ಮುಟ್ಟಲಾ ಒಗ್ಗಟ್ಟುದಾಂತೆ ಇತ್ತೆರುಂಡ,ಘಟ್ಟದ ಮಿತ್ತುದ ಅರಸುನಕ್ಲ್ ಅಡಳಿತ ಮಲ್ಪುನಗ ತುಳುನಾಡುನು,ಭಾಷೆನು ಕನ್ನಡರ್ದ್ ಬೇತೆ ಮಲ್ತುಂಡ ಮುಲ್ತ ಮರಸಂಪತ್ತು, ಮುರ್ಗಸಂಪತು,ಕಡಲಸಂಪತ್ತುನನತು ಈ ಭೂಮಿದ ಸಂಪತ್ತು ನಮಕ್ ದಕ್ಕುಜಿ ಪಂಡುದ್ ಪ್ರತ್ಯೆಕ ತುಳುನಾಡುಗು ಮಾನ್ಯತೆ ಕೊರಿಜೆರ್, ಕೊರಿಯರಲಾ ಬುಡುಜೆರ್.ಬ್ರಿಟಿಷ್‌ ಸಾಮ್ರಾಜ್ಯದ ಪೊರ್ತುಡುಲಾ ನೆಕ್ಕ್ ಹೊರತು ಅದಿಜ್ಜಂಡು.ಸ್ವಾತಂತ್ರ್ಯ ತಿಕಿ ಬೊಕ್ಕ ರಾಜಕಾರಣಿಲು ಅಕ್ಲೆನ ಸ್ವಾರ್ಥ ಸಾಧನೆಗ್ ತುಳುನಾಡುನು ಬಳಕೆ ಮಲ್ತೆರ್ ಹೊರತು ವಿಬಿನ್ನ ಜನ ಶೈಲಿದ,ವಿಬಿನ್ನ ಅಚರಣೆದ,ವಿಭಿನ್ನ ಚಿಂತನೆದ ತುಳುನಾಡುಗ್ ಮಾನ್ಯತೆ ಕೊರ್ಪಿನ ಬೆಲೆನ್ ಅಕ್ಲು ಕೂಡ ಮಲ್ತುಜೆರ್ ಪನ್ಪುನ ಒಂಜಿ ವಿಚಾರ ಸತ್ಯ..!
ಯೆನ್ನ ಒಂಜಿ ಕಿನ್ಯ ಅನಿಸಿಕೆ.
CREDIT-KUDLA-ODIPU-KASROD FACEBOOK PAGE
Comments
Post a Comment